Kabanata 27

Sobrang lalang-lala na si Shania na halos araw-araw ay pinapapunta nito ang kaniyang kalaguyo na si Bryan sa mansion. Simula sa pag-alis ni Ivo sa mansion ay nakaabang na si Bryan sa labas para pumasok sa loob hanggang sa ilang oras din silang nasa kwarto at alam niyang may ginagawang milagro. Mabuti na lang at hindi nito nakikita ng kambal ang pinaggagawa ni Shania.

Siguro sinasakto rin ng babae na hindi sila mahuli dahil baka magsumbong ang kambal kay Ivo.

“Gaga, lumalala na talaga si Ma’am Shania. Halos wala na itong pakialam kung makita man natin silang m********n kung saan. Palibhasa hindi tayo sumusumbong kay Sir Ivo.” Napatingin siya sa dalawang marites na katabi niya habang nasa garden sila nagdidilig ng halaman.

“Ikaw na lang kaya Gianna ang magsumbong. Tutal close na rin naman kayo na, Sir at may past pa kayo baka paniwalaan ka noon,” saad ni Amy sa kaniya. Ngumiwi siya sa suhestyon nito ngunit nagulat na lang siya nang binatukan ito ni Vanessa. Masaya rin naman kasama a