Chapter 15

“I have already approved the allotted budget for the reconstruction of our company’s old building. The construction will start by next month and I have already—”

Nasa kalagitnaan ng pagpapaliwanag si Don Gregorio nang mapansin niyang tila lumilipad ang isip ng kanyang apo. Tumikhim siya at hinampas ang braso nito na nakapatong sa ibabaw ng lamesa.

“Ruston Dwaine Palacios—” sigaw ni Don Gregorio. Magkasalubong ang magkabilang kilay nito habang masama ang tingin sa apo. “Ano ba? Importante itong binabanggit ko sa ‘yo pero mukhang hindi ka interesado. Lumilipad na naman ang isip mo. Alam mo, Dwaine, kung may ibang maaasahan lang sana ako, hindi ako mag-aaksaya ng laway dito.”

“P-pasensya na po, lo!” mapagkumbabang turan ni Dwaine. “Napakarami kasing gumugulo sa isip ko kaya parang nawawala na ako sa sarili.”

“Hindi mo dapat dinadala dito sa opisina ang personal na problema mo. Be professional, Dwaine! Dito, boss mo ako. I am the president of this company and I’m so disappointed in you