Kabanata 429

Napatitig ang kulay asul na mga mata ng lalaki sa katawan ni Maisie. Nag-init ang kaniyang dugo habang taas-baba naman ang Adams apple niya sa kaniyang lalamunan. Kinuha ni Maisie ang pagkakataong ito, umiwas siya sa baril at tumayo.

‘Bang!’

Hindi siya tinamaan.

Nasa likod ng lalaki si Maisie at saka niya ito sinakal gamit ang kaniyang braso. Matalim ang titig niya habang nagtatanong, "Nasaan si Nolan?"

Mayroong sinabi ang lalaki, at saka siya pinatulog ni Maisie. Kinuha niya ang baril nito at saka tumakbo.

Samantala, ilang nakamaskarang lalaki na ang napatumba ni Nolan. Lahat sila ay nabaril niya at namimilipit sa sakit. Mabilis niyang napatumba ang huling nakamaskarang lalaki, sinipa niya palayo ang baril nito.

Punit at gusot na ang maganda niyang suit. Mayroong mga sugat sa kaniyang braso at likod, at mayroon na din tumutulong pawis sa dulo ng kaniyang mga buhok. Magulo ang itsura niya pero matapang at nakakatakot siyang tingnan.

Tinapakan niya ang kamay ng lalaki at na