Chapter 6: He Promised Her

Kabababa lang ni Sebastian ng kotse ng nagulantang sa nasaksihan. Sa harap ng mansyon ay nagliliyab ang apoy. Nasa sahig ang asawa niya, umiiyak matapos sampalin ng nanay niya sa harap ng maraming kasambahay.

"Mama! Bakit mo sinampal ang asawa—"

PAK!! PAK!!

Umalingawngaw ang malutong na tunog ng kambal na sampal. Natigilan siya, nagpantig ang tainga sa lakas ng inabot na sampal mula sa kanyang nanay.

"Asawa? "Kung asawa talaga ang tingin mo kay Alexa, di dapat naisip mo ang pride at reputation niya bago mo isinama at pinarada sa honeymoon niyo ang ulupong na yon! "

Nandidilat ang mga mata at namumula ang mukha ni Mikaela, ebidensya kung gaano kapuyos ang galit nito. Hindi siya nakasagot, deserved niya ang sampal dahil mali ang ginawa niya pero... hindi ito deserve ng asawa niya.

"Mama napag-usapan na namin ito ng asawa ko. "He promised me that it would be the last time he would sleep with another woman and be away from me!"

Tumigil ang mundo niya pagdinig sa matapang na salita na'to ng asawa.

Hindi nakahadlang ang takot at sakit na nadarama. Sa kabila ng pag-iyak ay matapang na hinarap ng asawa ang biyenan. Hinarang ang maliit na katawan sa malaking katawan niya. Pinoprotektahan siya ang makasalanan nitong asawa.

Aminado siya, iniwan niya noon mag-isa si Alexa sa loob ng dalawang araw sa hotel at resort para magpasarap sa kandungan ni Katelyn. Pero ng huling gabi, sa unang pagkakataon ay nakita niya ito na lasing na lasing to the point na bumagsak ito sa bisig ng ibang lalaki.

Sa unang pagkakataon matapos mamatay ang unang asawa ay nakakita siya ng itim. Hindi mabilang kung ilang beses lumapat ang kamao niya sa lalaki. Nang bitawan niya ito ay duguan at halos wala ng buhay at kita ang takot sa mukha ng mga tao sa paligid. Sa sahig ng open bar, ay walang malay si Alexa at magkahalong gulat at galit naman ang reaksyon ni Katelyn.

Nang gabing iyon ay inalagaan niya si Alexa dahilan para umalis at iwan siya ni Katelyn. Bukod sa kalasingan ay nilalagnat din si Alexa. Nakonsensya siya, alam niya na birhen ito nang angkinin, pero dala ng kalasingan ay di niya ito naingatan o baka sadyang wala talaga siyang pakialam dito ng mga oras na yon. Ilang araw na pala itong dinudugo at nilalagnat.

That time, he promised her that even if he didn't love her, he would take care of her and protect her as long as she was his wife. He will never have sex with another woman as long as they are together, and he will also not touch her unless she wants him to.

Muling lumipad ang palad ni Mikaela, this time hindi para sa anak ang sampal kundi para sa manugang.

Mabilis niyang inikot ang katawan ni Alexa, subsob ang mukha nito sa dibdib niya at sa ikatlong pagkakataon ay lumapat ang palad ng nanay sa kanya.

Si Mikaela, tulad ng ibang nanay, para sa kanya siya ang perfect mother. But circumstances changed her; siguro masyadong mabigat para dito ang apelyidong Dior. For her, offense is always the greatest defense. She always attacks first, without mercy!

Tiim ang bagang at kuyum-kuyom ang mga palad niya habang mahigpit na yakap si Alexa. Sa higpit ng yakap ay ramdam niya ang mabilis na pintig ng puso at ang nanginginig nitong katawan.

Nilingon niya ang assistant ng asawa, "Gavin, take your madam upstairs!"

"NOW!" Utos niya na maagap naman nitong sinunod.

Nagpumiglas pa si Alexa, pero balewala dahil kinaladkad na siya ng malaki at malakas na mga braso ni Gavin.

Kahit mayaman ang pamilya Dior ay bilang lang ang securities nila dahil mas priority nila ang privacy. Gano'n pa man lahat ng securities nila ay propesyonal at pinaka-magaling sa field. Mga dati itong sundalo, marine, pulis, o PSG. Sa ilang dekadang pamamayagpag ng pamilya Dior sa business world, ay hindi maiwasan na mapalapit sila sa mga maimpluwensyang tao sa bansa.

Nang masiguro niya na nasa loob na ng mansyon ang asawa ay muli niyang hinarap ang nanay.

"Mama, si Katelyn, siya lang ang naiwan at naniwala sa akin nang panahon na mas mahalaga sa inyo ang reputasyon ng pamilya kaysa sa akin na anak niyo!"

"Tinalikuran niyo ko the moment na hindi niyo ko pinaniwalaan!"

Reputasyon, ito ang pinakamahalaga sa pamilya Dior. Lubos itong napatunayan ng namatay si Candice. Kaysa isipin ang nararamdaman niya ay pinapunta siya, kasama ng mga anak sa ibang bansa. Pinatahimik ng pamilya Dior ang mga pulis at midya, dahilan para hindi lumabas ang totoong rason ng pagkamatay ni Candice.

At sa lahat ng panahon na ito, tanging si Katelyn lang ang yumakap sa kanya at kahit alam na mali ay kasama nito ay tumapak sila sa apoy. Hindi niya alam kung may pagkakataon pa para makaalis siya sa apoy na kinalalagyan. Minsan sumasagi sa isip niya na si Alexa ang sagot, gusto niyang subukan kumapit dito, pero natatakot siya.

Nagbuntong-hininga siya, humakbang ang mga paa pero bago tuluyan makalayo ay hindi niya nalimutan sabihan ang nanay, "Mama, ito ang una at huling beses na sasaktan mo ang asawa ko kasi sa susunod hindi na kita patatawarin!" Nagbabanta ang tinig niya.

Pagpasok ng mansyon ay tinungo niya ang kusina, kung saan ay naabutan niya ang headmaid ng pamilya. Ang pinakamatandang katulong na tumayo na rin bilang pangalawa niyang nanay. "Nay Tania, pahingi ako ng ice pack para kay Alexa."

"Ah Sebastian, umakyat na si Gavin, dala ang ice pack."

"Sa kuwarto namin?" Nagsalubong ang mga kilay niya, pero tumango lang ang matandang babae. Senior citizen na ito, pero wala pa rin planong magretiro.

"Oh, okay."

Nalimutan niya sabihan si Alexa na off-limits ang ibang lalaki sa kuwarto nila. Hindi niya alam kung bakit, pero ang mabagal na paghakbang ay unti-unting bumilis hanggang tuluyan na siyang tumakbo. Nang marating ang tuktok ng hagdan sa ikalawang palapag ay habol-hininga na siya.

Mabilis niyang binaybay ang pasilyo patungong silid. Kaiba sa unang palapag na napalilibutan ng naglalakihang portraits ng mga miyembro ng pamilya Dior, ang ikalawa at ikatlong palapag ay animo'y private museum, napalilibutan ng mga naglalakihan at mamahaling paintings.

Nang nasa pinto na ng silid ay mabilis niyang pinihit ang seradura. Umawang ang pintuan at bumati sa kanya ang kadiliman. Ayaw niya sa dilim kabaligtaran ni Alexa. Tanging ang maningning na liwanag ng buwan na sumisilay sa floor-to-ceiling window ang nagbigay ilaw sa silid. Sa pader sa gilid ng pintuan, ay kinapa niya ang switch ng ilaw nang matigilan. Saglit pinatigas ang mga daliri niya ng matigas at seryosong tinig ng bodyguard ng asawa.

"Mula ngayon, I will be your person, madam."

Narinig niyang turan ni Gavin. Puno ng ingat niyang tinulak ang pinto. Sa bawat paglaki ng awang ay siyang pagkaubos ng hangin sa katawan niya dahil sa di niya namalayang pagpigil sa paghinga. Pilit niyang pinag-adjust sa kadiliman ang mga mata at doon ay nakita niya.

Nakaupo sa sopa si Alexa, umiiyak habang nakasubsob ang mukha sa ibaba ng dibdib ng nakatayong si Gavin. Paulit-ulit naman hinihimas ni Gavin ang buhok ni Alexa.

Hindi niya alam kung bakit, pero biglang kumirot ang panga niya. Para siyang sinuntok, mas masakit pa kaysa sa mga sampal ng nanay niya.

Sa kadiliman ay tumingala si Alexa, tiningnan si Gavin. "Promise?"

"Promise." Dumapo ang palad ni Gavin sa mukha ni Alexa. Pinunasan ang mga luha nito. "I promise too; even at the expense of my life, I'll protect you."

... He promised her?

But I promised her too...

Sa nakita at narinig ay nagngitngit ang mga ngipin niya kasabay ng pagtaas ng mga balahibo sa bawat parte ng katawan.

Oo, hindi ko mahal si Alexa, pero pag-aari ko siya dahil asawa ko siya!

Kumilos ang naninigas niyang mga kamay; binuksan ang ilaw na agad nagbigay liwanag sa kabuoan ng silid.

"Gavin, tapos ka na bang aluin ang ASAWA KO? "Kung tapos ka na, pwede ka nang umalis."

Kitang sandaling natigilan si Gavin bago nito magalang na in-excused ang sarili. Sa kabilang-banda ay atubili naman lumapit sa kanya si Alexa.

"Okay ka lang ba? May ice pack dito, lagyan natin ang pisngi mo." Balot ng pag-aalala ang tinig ni Alexa. Aktong hahawakan siya, pero nilagpasan niya ito, dumiretso siya sa banyo.

He needs a cold shower.

Paglabas ng banyo ay naabutan niya si Alexa na nakaupo sa kama habang ang mga mata ay nakatuon sa kanya. Tahimik siya nitong pinanood habang nagbibihis. He suddenly wants to pat her head. The more she stays with him, the more courageous she becomes. Nasanay na si Alexa na shirtless siya kapag nasa kuwarto.

He pressed his lips together and then decided to leave, but Alexa clutched her little hands in his arms.

"Saan ka pupunta?"

"I'm going for a drink. "Sleep first and don't wait for me."

"Sama ako, ayaw kong maiwan dito. "Natatakot ako kay mama."

Humarap siya at hinawakan ang balikat nito. "Kinausap ko na si mama. Hindi ka na niya ulit sasaktan, promise." Tinanggal niya ang kamay nito na nakakapit sa braso at lumakad nang palayo, pero muli ay natigilan. This time, nasa sahig na si Alexa, nakayakap sa hita niya habang nagmamaktol na parang bata.

Paulit-ulit siya huminga ng malalim habang nakatingala tsaka mariin na pumikit. Paglipas ng ilang saglit ay dumilat at nagturan sa madilim na ekspresyon. "Stop this, Alexa! I don't love you, kaya wala akong pasensya sayo!"

"Gusto ko lang yong concern mo kasi asawa kita."

"Contract marriage, Alexa."

"Kontrata na pinilit mo lang ako pirmahan, but still, asawa pa rin kita hangga't buhay ang lola mo!"

"Isa pa, sabi mo gusto mo ko... kaya nga kita pinakasalan, eh!" turan ni Alexa habang walang tigil sa paghikbi.

Sa totoo lang, tuwing naririnig niya na umiiyak si Alexa ay hiling niya na bumukas ang lupa at lamunin na lang siya nito.

He broke his first promise to her that he would never make her cry; in fact, he made her cry the very first day she became Madam Dior. Gustung-gusto niya itong yakapin, aluin tulad ng gawa ni Gavin, pero ayaw sumunod ng katawan niya. Natatakot siya na umasa ito sa wala.

"Alexa, stop being naive! "Sinabi ko yon dahil kailangan kita!"