14. Ang pagkalasing ni Maureen

GABI na ng makabalik siya sa kanilang bahay. Nakita siya ni Aling Layda at agad na sinalubong.

“Sir, tumawag ang tauhan sa mansiyon, isama mo daw doon ang asawa mo sa Sabado sabi ng lolo mo.”

“Okay,” tatalikod na sana siya, ngunit naalala niya si Maureen, “kumain na ba ang aking asawa?”

“Hindi ko naman siya nakita ngayong araw, sir,” sagot ng matanda sa kanya.

Nagmamadali siyang umakyat sa kanilang kwarto. Wala na ang mga aklat nito sa lamesa. Ang ibang damit nito ay wala rin. Napahilamos siya sa kanyang mukha. Tuluyan na ba talaga siyang nilayasan ni Maureen?

SAMANTALA….

Kumakain sina Maureen at Ruby sa kanilang studio na may kasamang konting inuman. Bumili sila ng ilang boteng beer. Pinag uusapan nila ang tungkol sa alok ng Royal sa kanila.

“Totoo ba? Mismong ang presidente ng royal ang may gustong kumuha sa atin para sa bago nilang luxury brand?” hindi makapaniwala si Ruby sa sinabi niya dito.

“Hindi pa rin nga ako makapaniwala, na parang ang dali nilang makapagdisisyon, na tayo ag