Chapter 3

Kausap ni Ryker ang engineer niya nang maramdaman niya ang kakaibang tingin na nakatutok sa kaniya. Luminga siya para hanapin ang tingin na iyon; then his eyes met beautiful and seductive eyes. Hindi niya alam kung aware ba ang magandang dilag sa paraan ng tingin nito kaya napangisi siya at kinindatan ito.

Malayo man ang babae ay nahuhulaan niyang pumula ang pisngi nito nang makita ang pagkagat nito sa ibababg labi. She's so gorgeous that she immediately grabbed his attention. Maraming kadalagahan siyang nakita at nakilala subalit ito lang ang masasabi niyang may taglay na eleganteng ganda. Nakakahalina at hindi nakakasawang pagmasdan.

Binawi na niya ang kaniyang mata at bumalik ang atensyon niya kay Rob na pinag-aaralan kung paano itatayo ang gusali. Isang kakilala niya ang nagsabi tungkol sa lugar na 'to at nagkaroon agad siya ng interes. Kaya naman nagplano na agad siya at binili ang malawak na lupain. Ang may-ari nga lamang ang pumunta sa syudad upang magpirmahan sila.

"The entrance must face the east side where the sun rises. I heard that old folks in this place said that luck will constantly enter your business if we do it that way," turan ni Rob at itinuro kung saan ang magiging entrance 'pag matutuloy ang project.

"Then, we will follow their cultures here," tumatangong saad niya. Nakita naman niya noon pa ang blueprint ng itatayong mall dito. Nasuri na rin ni Rob ang lupa at puwede silang makapagpatayo ng malaking gusali rito.

Sumama lang siya ngayon upang tignan ang lokasyon dahil ang inuutusan niyang mag-check dito noon ay ang kapatid niya. Sa litrato at videos lamang niya nakikita ito. May tiwala siya sa kapatid kaya ibinigay niya ang trabahong ito sa kaniya.

Matagal na niyang planong magpatayo rito noon at ngayong natapos lahat ng proseso ay baka sisimulan na rin sa susunod na buwan. Ihahanda pa kasi muna ang mga equipments na gagamitin. Plano rin niyang 'pag nasimulan na ay papasyal siya rito upang tignan kung gaano kabilis ang trabaho ng mga construction workers nila. Five years kasi ang nakalagay na taon upang matapos ang gusali.

Hindi lang niya inakalang may makikita siyang napakagandang dilag sa unang pagtapak niya rito. Mukhang ang gusto niyang pagbisi-bisita lang para inspeksyunin ang project ay magiging madalas na.

He look at her side again and realized that she's still there. Nakita niyang kausap nito ang isang matangkad na lalaki na katabi nito. Tumaas muli ang sulok ng kaniyang labi nang sumulyap ang dalaga sa kanya at nang mapagtantong nakamasid siya rito ay agad nagbawi ng tingin at kumapit sa kausap nito. Nakita niyang hinila nito ang lalaki para umalis kaya naman mabilis na itinaas niya ang kamay para pigilan si Rob sa pagsasalita.

Malalaki ang hakbang na sinundan niya ang dalawa. Kung hindi niya hahabulin ang dalaga para makilala ay baka hindi siya magkakaroon ng chance na makita pa itong muli. Hindi naman niya sigurado kung isang turista ito rito at napadaan lang.

Balak niyang lapitan ito mamaya pero ngayon na plano nitong umalis ay kailangan na niyang kumilos.

Sa kabilang banda, gusto pa sanang magtagal ni Kelly upang pagmasdan ang binata subalit pakiramdam niya ay nangangatog pa rin ang tuhod niya sa pagkakasalubong ng mata nila ng binata sa pangalawang pagkakataon. Pakiramdam niya'y lumipad sa ibang planeta ang natitirang tino sa utak niya. Kung hindi pa siya aalis dito ay malamang siya na ang gagawa ng hakbang upang malapitan ang guwapong binata.

"Bilisan mo! 'Pag hindi tayo nakalayo rito ay kailangan mo akong pigilan bago ako makagawa ng nakakahiyang bagay," prantikong bulalas niya sa kaibigan na bahagyang natawa. Nagpahila rin naman ito pero humirit pa rin.

"Excited ka na makita siya ng personal pero ngayon na nagkatitigan lang kayo ng ilang segundo ay gusto mo nang tumakas."

Hindi niya pinansin ang sinabi nito at nilakasan ang paghila rito.

"Wait, Miss!"

Nakakailang hakbang pa lang sila ni Arthur nang may isang baritono at mababang tinig ang narinig niya. Hindi niya sigurado kung siya ang tinatawag ng boses pero parang may sariling isip ang paang huminto siya at kumakabog ang dibdib na nilinga ang nagsalita. It was as if she was instantly rooted at the ground when she saw him approaching.

Mahigpit na napakapit siya sa braso ni Arthur na mahinang nagreklamo nang dumiin ang daliri niya sa balat nito. Inignora niya ito dahil halos nagrarambulan na ang bulate sa kaniyang tiyan sa kaba. At nang sa wakas ay nasa harapan na nila ito'y parang bibigay na ang tuhod niya.

"Are you a local here," nakangiting tanong nito.

Bahagyang bumuka ang kaniyang bibig pero kahit ni isang kataga ay walang nabuo ang dila niya. Sinulyapan siya ni Arthur bago ito ang sumagot.

"Yes, local kami rito, Sir," polite na tugon ng kaibigan niya.

"Really? I'm glad." Ni hindi nito sinulyapan si Arthur at nakatutok lamang ang mata kay Kelly na nag-iinit ang pisngi at kung kandila lamang siya ay kanina pa naupos at dumaloy sa kaniyang kinatatayuan.

Halata rin ang tuwa sa mukha ni Ryker dahil nag-curve pa ang mata nito na parang crescent shape nang ngumiti. "Puwede ko bang malaman ang iyong pangalan magandang binibini?" Yumukod ito at hinawakan pa nito ang kaniyang kamay, dinampian nito ng halik ang likod no'n dahilan upang sumikdo ang puso niya sa ginawa nito.

Napakagat labi siya at wala sa loob na humigpit ang kamay niya sa kamay nito. "M-My name is Kelly," nabulol na hayag niya.

"Bagay sa'yo ang iyong pangalan, Kelly," puri nito. "Napakaganda katulad mo."

Nahihiyang nagyuko siya ng ulo.

Parang gusto na niyang tumili sa kilig sa oras na 'to subalit napigilan niya. Nagkakagulo na rin ang mga paru-paru sa tiyan niya like swooning with happiness.

Kaninang binibiro siya ng ina na hindi siya bibigyan nito ng pansin ay tanggap niya. Subalit hindi niya inaasahan na magkakasalungat ang sinabi nito sa nangyayari ngayon. Dahil narito siya sa harapan niya at gustong makipagkilala sa kaniya. He's even holding her hand and kissed it.

Marahang pinisil nito ang kamay niya dahilan upang mahimasmasan siya at napatingin sa magkadaop pa rin nilang kamay. She immediately retracted her hand; eyes drooping in embarrassment.

He chuckled amusedly. "Then, nice meeting you, Kelly. We'll see each other again next time," saad nito.

Nahihiyang tumango siya. "O-Okay!"

He waved his hand for the last time before turning on his back and walked back to the tent. Nangangarap na pinanood niya ang papalayong pigura nito. Ang sabi nito ay magkikita pa sila kaya baka magtatagal ito ng Santa Rosa. So, may next time pa na masisilayan niya ito.

Tumikhim si Arthur at marahang siniko si Kelly na hindi pa rin binabawi ang tingin kay Ryker kahit nakabalik na ito ng tent. Napabaling agad ito sa kaniya at bago pa niya maawat ang gagawin nito ay impit itong napatili at kinurot siya sa braso.

"Sabihin mong hindi panaginip 'to," animo kinikiliting bigkas ni Kelly.

"Hindi ka nananaginip," he assured her. Pinitik niya ang noo nito at d*****g naman ito. "Hindi ako makapaniwalang natitigan mo siya ng ganun na parang kakainin mo na siya. Nakalimutan mo pa na kasama mo ako at ginawang poste para sumuporta sa'yo," resentful na reklamo nito.

Naglalambing na niyakap niya ang braso nito. "Sorry, sa susunod na makikita natin siya rito ay ipapakilala kita."

Sumimangot lang si Arthur at inalis ang kamay niya sa braso nito. "Tara na at umuwi. May ikukuwento ka na kay Tita."

Malawak ang ngiting sumunod siya rito pero sinulyapan niyang muli si Ryker pagkatapos ay sumakay na sa kotse ni Arthur.

"Seatbelt," Arthur reminded her.

Agad naman niyang ikinabit ang iyon at ngumiti sa kaibigan na iningusan lang siya. "Hindi ko alam kung magandang ideya na dinala kita rito o hindi. Baka ilang araw kitang 'di makausap ng matino."

Lumabi lamang siya ngunit hindi nagkomento. Masyado siyang masaya para patulan ang sinabi nito.