Chapter 3

Warning Matured Content

This chapter is not suitable for the young readers. It contains physical abuse, and crime scene...

Read at your own risk.....

"Dave..., tama na yan..!! parang awa mo na iho, itigil mo na yan!. Nasasaktan ka lang sa ginagawa mo Dave.." pagmamakaawa ng ginang sa anak na si Dave dahil pinagsusuntok lang naman nito ang pader, na sa sobrang kalasingan ay naalala na naman nito ang kanyang asawa na si Almira.

"Almira.....mahal ko ..asawa ko... " sigaw ni Dave na ramdam ang pighati at pangungulila nito sa asawa.

"Almira... mga hayup sila, Mom... mga hayup sila... pinatay nila ang asawa't magiging anak ko. Mommy, bakit hindi na lang sila ang namatay? bakit kailangang idamay nila ang mag ina ko? bakit....!!? Aaaahhhh....!!. paghihinagpis na sigaw ni Dave.

Umiiyak na ang Mama ni Dave dahil sa nakikita sa anak. Awang- awa na rin siya sa kanyang panganay hindi naman niya alam paano matutulungan ang anak na tanggapin na ang pagkawala ng yumao na nitong asawa.

Anim na buwan na ang nakalipas mula ng maging biyudo si Dave dahil sa holdapan sa banko na kinasangkutan nang asawa nitong si Almira na kasalukuyang magpipitong buwan na noong pinagbubuntis ang kanilang magiging anak.

Ayon sa report ng mga imbestigador ay kasama sa mga nahostage ang asawa ni Dave ngunit naglaban ito sa mga holdaper kaya nabaril ito ng isa sa mga holdaper ng banko na lango sa ipinagbabawal na gamot. Na ayon na rin sa mga nakasaksi sa pangyayare ay natipuhan si Almira ng holdaper na bumaril rito dahil sa nagandahan raw ito kay Almira kaya nais itong pagsamantalahan. Inilayo raw ang asawa niya sa ibang hostage at sapilitang ipinasok sa opisina ng manager ng banko at naririnig raw nila ang paghingi nito ng saklolo ngunit wala silang magawa dahil natatakot din sila sa kung ano ang mangyayare sa buhay nila kung makialam sila. Takot ang naramdaman ng mga tao sa loob ng banko nang marinig na lang ng mga hostage ang putok ng baril mula sa loob ng opisina ng manager ng banko. Tinamaan ng bala sa likurang bahagi ng tiyan si Almira at nakatamo rin ito ng ilang pasa sa mukha at putok ang gilid ng labi nito at pasa sa tiyan na bumangga sa matigas na bagay na naging dahilan ng pagkamatay rin ng sanggol sa sinapupunan ng asawa ni Dave.

Anim na buwan na ring walang direksyon ang buhay ni Dave. Gabi-gabi itong lasing at napabayaan na rin ang trabaho bilang CEO ng kumpanya ng pamilya nila sa Manila na isang Textile Company na nag iimport at export ng mga tela sa mga clothing line companies.

At dahil sa wala pang kakayahang bumalik sa trabaho si Dave ay pansamantalang naging Acting CEO ang kapatid nitong si Dion.

Ilang beses na rin itong sumubok na kitilin ang buhay pero hindi nagtatagumpay sa tulong na rin ng mga kaibigan nito na umalalay kay Dave kaya lumuwas na rin ng Manila ang Mommy niya upang bantayan siya ngunit matanda na rin ang ina niya hindi sa lahat ng oras ay mababantayan siya nito. Ipinagdarasal ni Mrs. Alarcon araw-araw na sana ay malagpasan na ni Dave ang pagsubok nito sa buhay.

Nakatulog si Dave sa sobrang kalasingan. Doon lamang nila nilinis ang sugat nito sa kamay. Nagpatulong na lamang ang ina niya sa mga katulong upang madala si Dave sa kwarto nito.

Awang-awa na sila sa pinagdaraanang sitwasyon sa buhay nito pero tanging si Dave lang din ang makakagamot sa nagluluksa niyang puso.

Kinabukasan ay kinausap na ni Mrs. Digna Alarcon ang panganay na anak dahil hindi niya na kayang makitang nagkakaganoon ang kanyang anak.

"Dave, gusto mo ba munang magbakasyon? bakit hindi ka na muna pumunta ng America sa mga tito Israel mo. Nagkausap kami kanina at welcome ka naman daw doon, hindi ka maiinip dun dahil nandoon din si Nathalie na kababata mo." saad ni Digna sa anak.

Ang Tito Israel na tinutukoy ng kanyang Mommy ay matalik na kaibigan ng kanyang mga magulang.

"No.. Mom, dito lang ako hindi ako aalis. Ayokong lumayo." sagot ni Dave sa ina.

"Dave, kailangan ko ng bumalik sa Batangas dahil walang nag aasikaso ng negosyo natin doon. si Dion ay hinahawakan ang kumpanya na dapat ay ikaw ang nag aasikaso dahil sa iyo ipinagkatiwala ng ama mo ang kumpanya, pero ano ang ginagawa mo ngayon pinababayaan mo ang negosyo natin, pati ang sarili mo. Nilulunod mo ang sarili mo sa alak, araw araw.." saad pa ni Mrs. Alarcon.

"Mom, please... Ayokong pag usapan natin yan. Kung gusto ninyong bumalik ng Batangas, bumalik kayo. Uulitin ko, hindi ako lalayo sa mag ina ko. Palibhasa hindi kase kayo ang nawalan ng asawa't anak kaya ganyan kayo." naiiritang sagot ni Dave sa ina.

Tumayo ang mommy niya sa kinauupuan nito at mabilis na nasampal ang kanang pisngi ng anak na hindi nakailag sa palad ng ina sa kabiglaan. Natigilan si Dave dahil sa sampal ng kanyang ina.

"Dave.., bakit sa akala mo ba ikaw lang ba ang nawalan? ikaw lang ba ang namatayan ng minamahal ha?! buhay ka nga pero para din akong namatayan ng anak sa nakikita ko sa iyo. Oo, nawalan ka ng asawa at magiging anak, eh ako Dave, nawalan ng mabait na manugang at magiging apo, pero ang malala parang nawalan na din ako ng isang anak. Mas masakit sa akin ang pangyayari Dave, dahil itinuring kong tunay na anak na babae si Almira dahil hindi ako nagkaroon ng pagkakataong magkaanak ng babae." paglalabas ng sama ng loob ni Mrs. Alarcon na ikinaiyak na nito kay Dave.

"Mom?!, mommy, i'm sorry..! Sorry.., nahihirapan akong tanggapin na wala na ang mag ina ko. Patawarin mo ko, Mom, kung naiisip kong sundan na sa kabilang buhay si Almira. Alam ninyo kung gaano ko siya kamahal. Si Almira ang buhay ko, Mommy.." seryoso niyang turan sa ina. Tumayo si Dave at lumakad na itong papalayo na lalo lamang ikinaiyak ni Mrs. Digna Alarcon.

Nagpunta ng sementeryo si Dave, pagkatapos nilang mag usap na mag ina. Sa puntod ng kanyang asawa't anak ay maghapon lang siya doon na inaalala ang nakaraan nila ni Almira ng nabubuhay pa ito.

Almira is a sweet and loving person, mahinhin na dalaga at mala- anghel ang mukha. Matagal din niyang niligawan si Almira dahil nag aaral pa kase ito ng ipakilala ito sa kanya ng kapatid na babae ni Colton na kaibigan niya nung magdiwang ito ng 18th Birthday na ginanap sa isang sikat na hotel na invited din silang magkakaibigan na sina Edward at Clarence.

Una pa lang niyang makita si Almira ay nabaitan na siya rito. Nahulog ang loob niya sa dalaga at agad rin naman niyang niligawan si Almira, pero matagal siyang sinagot nito dahil ang gusto ng babae ay makapagtapos na muna ng pag aaral at nang sa araw ng graduation nito sa college na dinaluhan niya ay sinagot na rin siya ng dalaga.

Isang taon silang magkasintahan ng magpropose ng kasal si Dave kay Almira at sa mismong araw ng kasal nila inihayag ni Almira ang pagiging ama niya na ikinatuwa ng kanilang pamilya at mga kaibigan. Ngunit hindi rin nagtagal ang kaligayahan na makapiling ang asawa. Namalayan na lamang ni Dave ang paglandas ng luha mula sa kanyang mga mata na hindi niya napigilan ang pagbagsak.

"Bakit mo ko iniwan mahal ko? bakit n'yo ko iniwan ng anak natin?" pagdadalamhating tanong ni Dave sa puntod ng kanyang mag ina.