Nobela ni Moonstone13

May magandang mukha, makurbadang katawan, malaporselanang kutis, simple lang mag ayos, at higit sa lahat may busilak na puso ang dalagang lumaki sa malayong probinsya na si Berry Marasigan. Sa angking kagandahan ni Berry ay marami sa kanya ang nagkakagusto o nahuhumaling. Sa edad niyang bente dos ay simpleng inosente pa rin siya dahil hindi pa siya nakaranas magkaroon ng kasintahan. Nang maulila si Berry sa mga nag ampon sa kanya ay nangarap na siyang makarating ng Maynila upang hanapin ang kanyang tunay na ina, kaya mabilis na nahikayat si Berry ng bagong kakilala ng alukin siyang makapagtrabaho sa Maynila at agad niyang sinunggaban ang oportunidad na iyon ng hindi na nagdalawang isip pa. Pagkarating sa Maynila ay ibinenta naman siya ng recruiter niya sa may ari ng isang sikat na night club na ang mga costumer ay mga mayayaman. Sa angking kagandahan at kaseksihan ng dalaga ay maraming lalaki ang gusto siyang maangkin at isa na sa kanila si Jayden Curtis, ang binatang CEO ng GC Construction Company na pagmamay-ari ng pamilya nila. Na love at first sight ang binata sa dalaga kaya nais niyang tulungan si Berry na makaalis agad sa club. Ngunit hindi iyon naging madali para kay Jayden, dahil sa pinagkaguluhan ang kagandahan ng dalaga ay ipina-auction si Berry ng may ari ng club at na bid ang dalaga sa napakalaking halaga. 20 Million pesos ang naging last bid ng bidder mapasakanya lang ang kaakit-kaakit na si Berry Marasigan.

Nag runaway bride ang dalagang si Girly, sa kadahilanang hindi niya mahal ang lalaking pakakasalan. Tinakasan niya ang kanyang mapapangasawa sa mismong araw ng kanilang kasal. Humingi siya ng tulong sa estrangherong lalaki na naka-encounter niya, ngunit ayaw naman siya nitong tulungan. Sa kadesperadahang makalayo ni Girly sa bayan nila ay nagbitiw siya ng salita na gagawin niya ang gustong ipagawa sa kanya ng lalaki basta ilayo at itago lang siya nito sa kanyang ama at kay Vincent. Nagkataong nangangailangan din ng tulong ang binatang bilyonaryo na si Enrico Briones kaya pumayag na siya na itago si Girly. In one condition, magpapanggap ang dalaga na girlfriend niya. Pumayag naman agad si Girly ng hindi na inisip ang maaaring maging consequences ng pagpapanggap niya. Sa angking karisma at gandang lalaki ni Enrico, hindi kaya ma-in love sa kanya si Girly? Ano kaya ang mararamdaman ni Girly kapag nalaman niya ang tunay na dahilan kung bakit siya pinagpanggap na girlfriend ng binata? Hindi kaya siya magsisi sa pagpayag niyang maging fake girlfriend ni Enrico? Masaktan kaya ang puso ng dalaga sa kanyang mga madidiskubre?

Magkaibigang naging biktima ng pang aabuso sina Cherry Lou at Annika. Inilihim nila sa pamilya nila ang masaklap na pangyayare sa buhay nilang magkaibigan, dahil hindi naman nila nakilala ang mga umabuso sa kanila at tanging tattoo na palatandaan lang ang nakita ni Cherry Lou sa isa sa mga lumapastangan sa kanila. Pinilit ni Cherry na kalimutan ang masamang nangyari sa kanya. Lumuwas siya ng Maynila upang magsimula ng panibagong buhay. Ngunit sinubok pa rin ang katatagan nilang magkaibigan ng malaman nilang nagbunga ang pangwawalanghiya kay Annika. Itinago nila ang pagdadalang tao ni Annika sa pamilya nito at nang makapanganak si Annika ay inabandona ang sanggol. Si Cherry ang nagpakaina sa anak ni Annika. Nagkasakit ng Leukemia ang bata at natanggal sa trabaho si Cherry. Pikit matang namasukan sa club bilang topless dancer si Cherry upang makaipon ng malaking pera para sa operasyon ng anak- anakan. Inalok ng 3 milyong piso ni Anthony Buenavidez si Cherry upang maging bed warmer nito ang dalaga sa loob ng isang taon. Tanggapin kaya ni Cherry ang alok sa kanya ng isang gwapong binatang bilyonayo? Mabibigyan kaya ng hustisya ang pang-aabusong ginawa kina Cherry at Annika?

Isang mapagmahal at mabuting asawa si Dave Justin Alarcon at malapit na sana siyang maging ama nang sa hindi inaasahang pangyayare ay nabaril ang kanyang asawa sa isang bank robbery na ikinamatay nito. Nabiyudo ng maaga at nawalan ng direksyon ang buhay ni Dave. Isang dalagang guro si Leslie Hidalgo na nakatira sa maynila, Kinailangan niyang umuwe ng probinsya sa pakiusap ng mga magulang ng kanyang ina. Sa pagbalik niya ng probinsya ay nalaman niyang nagawa siyang ipagkasundo ng kanyang abuelo sa apo ng isang mayamang angkan sa kanilang lugar, na pinagkakautangan ng malaki ng kanyang lolo Arturo. Labag man sa kanyang kalooban ay pumayag na rin siya sa kasunduan dahil nakasalalay ang kanilang koprahan, ganoon na rin ang bahay at lupa ng lolo't lola niya. Ngunit nakita niya agad ang masamang ugali ng lalaking kanyang pakakasalan, kaya bago dumating ang araw ng engagement party ay tumakas na si Leslie at bumalik ng maynila. Pinagtagpo ng tadhana ang kanilang landas ng mabundol ng kotseng minamaneho ni Dave si Leslie ng dahil sa kalasingan. Naging kargo niya ang babae dahil nagpanggap itong nawalan ng ala-ala upang mapagtaguan ang lalaking pakakasalan. Naawa ang ina ni Dave sa babae kaya kinupkop ito at inalagaan. Sa paglipas ng mga araw ay nahulog ang loob ni Dave sa babae ngunit pilit namang pinaglabanan nito ang nararamdaman. Paano kung malaman niya na ang babaeng kinupkop nila ay ikakasal na pala sa iba? May patutunguhan pa kaya ang nararamdaman ni Dave para sa dalagang tumakas sa napagkasunduang kasal? Ano kaya ang magiging reaksyon ni Dave kung mabatid niya na nagpapanggap lang na may amnesia ang babaeng muling nakapagpaibig sa kanya?

BLURB, Napilitan si Nica Mae Romero na mamasukang katulong/ driver sa mansyon ng mga dela Cerna, kung saan namamasukan bilang family driver ang kanyang ama. Ngunit nagkasakit naman ang kanyang ama kaya kailangan nitong tumigil sa pagtatrabaho. Dahil sa marunong naman din siya at maalam sa mga sasakyan ay siya na ang kinuhang kapalit na driver, dahil na rin sa pakiusap ng kanyang ama at ng tiyahin niya na mayordoma sa mansyon. Sa pagpasok niya bilang katulong at driver sa mga dela Cerna, ay hindi niya inaasahan na mahuhulog ang loob niya sa kanyang among lalaki. Alam niyang hindi pwede ang kanyang nararamdaman, dahil nakatali na ang puso ng lalaking kanya ng minamahal. Paano niya mapipigilan ang kanyang damdamin kung sa araw-araw ay nakakasama n'ya ang lalaki? Papaano niya pa susupilin ang nararamdaman, kung alam niyang nahuhumaling na rin sa kanya ang amo niya? Magkaroon kaya ng happy ending ang nararamdaman nila para sa isa't isa, gayung kasal si Arnel kay Romary?

Natagpuan nila Yanna sa tabing ilog ang katawan ni Sergeant Dixson Sanchez na sugatan at walang malay. Ginamot at inalagaan nila ang lalaking estranghero. Nang magkamalay ang lalaki ay hindi na ito makaalala. Hinala nila Yanna ay nagkaroon ng amnesia ang lalaking kanyang tinulungan. Kinupkop ng tiyuhin ng dalaga ang lalaki at pinangalanan nilang Anton. Sa paglipas ng mga araw ay nagkapalagayan ng loob sina Yanna at Anton. Hanggang sa magkaaminan ng kanilang nararamdaman. Gustong pigilan ni Yanna ang damdamin para kay Anton, ngunit hindi niya kayang labanan ang isinisigaw ng kanyang puso. Kahit may pangamba at maraming tanong sa isipan ang dalaga na masasagot lang kapag bumalik na ang memorya ng lalaki ay sumugal pa rin sa pag ibig si Yanna. Nang manumbalik ang mga alaala ni Dixson ay agad siyang bumalik sa pamilya niya at wala itong matandaan sa nakalipas na buwan na inakala ng pamilya niya na patay na siya. Para siyang bula na bigla na lang nawala sa buhay ni Yanna. Paano kung sa muli nilang pagkikita ay malaman ni Yanna na nagbalik na pala ang mga alaala ng lalaki at siya naman ang nabura sa ala-ala nito? Sabihin kaya ni Yanna kay Dixson kung sino siya sa buhay nito? Ipabatid kaya ni Yanna na may anak silang dalawa o ililihim na lang niya ang lahat kay Dixson na malapit ng ikasal kay Chelsea, na step-sister ni Yanna?