Chapter 94

Nakatayo ako ngayon sa labas ng bahay na pinuntahan namin ngayon ni Michael. Ngayon na nandito ako, ngayon ko lang nalaman na nasa isang liblib na lugar kami. Puno rito ng mga tanim na puno, halaman, at mga bulaklak.

"Why are you here?" narinig kong tanong ng isang boses mula sa kung saan.

Agad akong napalingon sa aking likuran at doon, nakita ko si Michael na nakatayo sa tapat ng doorway.

Agad akong ngumiti bago ako naglakad papunta sa kanyang gawi.

"Ang ganda sa lugar na ito," sabi ko bago ako ngumiti.

Nakita ko naman na agad na nagbago ang awra kanina ni Michael matapos nang sinabi ko, kung kanina ay tila inis siya, ngayon parang nagbago na.

"Nasaan pala tayo?" nakangiting tanong ko.

Nakita kong napatingin sa aking likod si Michael bago niya hinawakan ang aking kamay.

Nagtataka naman akong tumingin lang sa kanya at sumunod sa kanyang hawak.

Patuloy lang kami sa paglalakad sa bakuran nitong bahay hanggang sa t