Chapter 90

Nakatingin ako ngayon sa madilim na kalangitan. Malakas ang ulan na may kasamang malakas na pagkulog at pagkidlat.

"Kumain ka na?" narinig kong tanong ng isang pamilyar na boses mula sa aking likod.

Mabilis ko naman siyang nilingon bago ako ngumiti.

"Hindi pa," sagot ko.

Naglakad siya papunta sa gawi ko bago hinawi ang aking buhok.

"I cooked something for you downstairs, do you want to try it?" tanong niya bigla sa akin.

Natawa naman ako ng mahina.

"May choice ba ako?" natatawang tanong ko.

Hanggang ngayon iba pa rin ang nararamdaman ko sa biglaang pagbabago ng relasyon naming dalawa ni Michael.

Natawa naman siya bago hinawakan ang kanang kamay ko.

"You know you don't have," natatawa pa ring sagot niya.

Napatingin naman ako sa mga kamay naming magkahawak sa mga oras na ito.