CHAPTER 30

“OO at nuon pa alam ko ng pagkatapos ng palabas nilang ito, gagawin rin nila ang ginawa sa akin ni Miguel.”

Napakuyumos ang kanyang mga palad, “Masama silang tao. . .pati si Gabrielle kasama sa planong pagpatay sakin. At gusto nilang palabasin na aksidente ang lahat ng ito. Pinaratangan pa nila ako ng kung anu-ano. . .”

“Hindi ako sigurado kung part si Gabrielle sa planong ito, kung sakali man, paniguradong na-brain wash lang siya ng ama niya.”

“Sinasabi nyo lang yan dahil anak nyo sya. May sariling utak si Gabrielle para pumayag madiktahan ng ibang tao. Ang sabihin nyo, talagang utak demonyo ang. . .ang anak ninyo.” Galit na galit na sabi niya, “Pero nagkamali sila ng kinalaban dahil ilalantad ko ang lahat ng mga baho nila.”

Naupo si Ginang Bernadette sa may tabi niya, “Twenty years ago, pinagbalakan rin akong patayin ni Miguel. Pero nabisto ko ang kanyang mga plano kaya pinalabas niya na sumama ako sa ibang lalaki. Ilang beses kong tinangkang kunin si Gabrielle sa kanya pero d