The Other Woman of the CEO Chapter 64

Napansin iyon ni Neil, na nakatayo hindi kalayuan. Sa unang pagkakataon matapos ang kanilang paghihiwalay, tila nabuksan muli ang mga sugat ng kanyang puso. Lumapit siya kay Alona, at hindi ito nakatiis.

“Alona…” tawag niya sa babae.

Nagulat si Alona sa boses na iyon. Ang boses na dating nagbigay sa kanya ng mga pangako ngunit iniwan din siya sa kawalan.

“Neil…” Mahinang sagot ni Alona, hindi maiwasan ang kaba at sakit na bumalik sa kanyang dibdib.

“Pwede ba tayong mag-usap?” tanong ni Neil, at kitang-kita sa mga mata nito ang lalim ng damdamin na hindi niya kayang itago.

Nag-aalinlangan si Alona ngunit sumagot din, “Sige, pero sandali lang, Neil.”

Lumapit sila sa isang sulok na tahimik, habang si Ethan at Penelope ay nagmamasid mula sa malayo, handang tumugon sakaling kailanganin ni Alona.

Tahimik silang nagkatitigan, tila walang ibang tao sa paligid. Maraming gustong itanong si Neil, ngunit hindi niya alam kung saan magsisimula. Sa halip, pinili niyang sabihin ang tanging mga salita