The Other Woman of the CEO Chapter 48

Kahit anong gawin nila para isalba ang kanilang relasyon, patuloy pa rin itong gumuho, lalo na't nakasadlak sila sa malaking problema. May solusyon nga, ngunit si Neil ay palaging abala. Ang matamis na samahan nila ay unti-unting napapalitan ng malamig na ugnayan. Madalas nasa business trip si Neil dahil ang Tropical Air ay nag-eexpand sa ibang bansa, at hindi ito naintindihan ni Wilma habang wala si Neil sa ibang bansa.

Tahimik ang gabi, ngunit sa loob ng isang bar na paborito ni Wilma at ng kanyang mga kaibigan, buhay na buhay ang mga ilaw at musika. Napapalibutan siya ng mga kaibigan, halakhak ng halakhak, tila walang alalahanin. Ngunit sa kabila ng lahat, si Wilma ay malayo ang isip. Kaharap niya ang isang basong alak na matagal na niyang hindi nauubos, at sa kanyang puso ay isang malalim na lungkot na hindi niya magawang ipahayag.

“Kumusta ka na, Wilma?” tanong ng kaibigan niyang si Trina, habang binubuhat ang isang baso ng cocktail. “Mukhang seryoso ka na naman diyan. Alam ko na