Kabanata 5 - Gheron

Kinagabihan, hindi siya makatulog. Iniisip niya kung saan siya pwedeng humiram ng pera. Ilang beses niyang inisip na magbale pero paniguradong hindi siya pagbibigyan.

Ate, kailangan ko na talaga ng pera. Kailan ka ba magpapadala? Kung pwede, bukas na sana agad Ate dahil hindi makakapaghintay 'tong mga projects ko.

Napailing siya nang mabasa ang chat na iyon ng kaniyang kapatid. Kung pwede lang tumae ng pera, kanina pa niya ginawa. Pero hindi niya rin kayang tiiisin ang mga ito. Obligasyon niya bilang panganay na anak ang tumulong.

Tumayo siya mula sa pagkakahiga at nagtimpla ng gatas. Maingat lang ang kaniyang kilos at baka magising ang kaniyang mga kasamahan na ngayon ay mahimbing ng natutulog.

Lumabas siya at nagpunta sa may terasa habang hawak ang isang mug ng gatas. Malamig sa labas pero hindi niya ininda iyon, nasanay na rin siya kahit papaano sa malamig na klima ng japan.

Saan ba ako kukuha ng perang ipapadala?

Maingat niyang ininom ang kaniyang tinimplang gatas. Umuusok pa ito