27

PAGOD na binagsak ni Blesy ang kaniyang katawan sa malambot na kamang nando'n sa loob ng glass igloos ng resort. Kahit papaano, nakaramdam siya ng ginhawa nang maihiga niya ang kaniyang katawan. Nakapagpalit na siya ng makapal ng pantulog. Pakiramdam niya, naging yelo na ang kaniyang bagang sa labas. Nakakapagod din pala ang magsisigaw at makikipaglaruan ng snow kay Fender sa labas, para silang mga bata na walang kahit anong inaalala.

"Tired?"

"Oo," nakuha pa rin niyang ngumiti rito. Hindi siya makapaniwala na engage na sila at niyaya siya nitong magpakasal. Ang lawak ng kaniyang ngiting pinagmasdan ang suot niyang singsing nang itaas niya ang kaniyang kamay. "Pero hindi ako mapapagod sa'yo."

"Talaga?" Lumapit ito sa kaniyang gawi at tumabi sa kaniya sa higaan.