Chapter 12.1 - Distance

"Tulala ka na naman," puna ni Vernon sa 'kin. 

Patungo kami ngayon sa parking lot ng university. Tapos na ang mga klase namin at si Vernon ang maghahatid sa 'kin patungong coffee shop. Tama siya dahil kanina pa 'ko tulala. Sino ba namang hindi mawiwindang sa mga nalaman ko kahapon? 

Ilang saglit pa ay narinig ko ang pagbuntong hininga ni Vern kasunod no'n ang pagharang sa amin ni Theodore dahilan para tumigil kami sa paglalakad. Suot nito ang uniporme nila sa soccer team, pawisan at halatang kakatapos lang ng game nila. Hawak niya ang isang duffel bag habang sa kabilang kamay naman ang water container niya. 

"You okay, Icay?" tanong nito. 

Hindi ko na kasi siya nakita kagabi mula nang mapunta ako sa mansion nila Maeve. Si Theodore dapat ang maghahatid sa 'kin pauwi kaso nga lang ay may nangyari kaya tinext ko nalang siya na may dinaanan pa 'ko at hindi niya na 'ko kailangang ihatid. 

"Hinahanap