Chapter 65

Ava’ P.O.V

Maaga pa lang ay nagising na ako upang gampanan ang tungkulin bilang isang maybahay at ina sa mga anak ko. Nilabas ko ang long black slack pants, puting polo para sa loob, panghabla na kulay itim at kurbata na susuotin ng aking asawa. Katatapos ko lang din magluto ng agahan namin at asikasuhin ang mga kasuotan at gamit ng mga bata. Wala na kasing ibang mag-aasikaso lalo na’t hindi na maganda ang lagay ng mga tuhod ni Manang Olivia. Mag-iisang taon na rin nang mawala ang ibang naninilbihan sa malaking bahay na ito. Lahat sila ay pinaalis ni Alas. Kaya simula noon maliban kay Manang Olivia ay ako na ang gumagawa ng mga gawaing bahay. Kaya hindi ako nawawalan ng pawis araw-araw. Ginawa ko na lang ngang libangan dahil wala naman akong ginagawa.

Nang bumukas ang pinto ng banyo ay nagtama ang aming mga paningin ni Alas. Kaagad ko namang binawi ang aking