Chapter 46.2

Third Person P.O.V

Malalaki ang bawat nagagawa niyang paghakbang sa loob ng isang madilim na basement. Inaayos niya ang kaniyang suot na tuxedo habang papalapit sa isang kuwarto na puno ng hiyawan at pagtangis ng isang lalaking pinapahirapan ng mga matitipunong kalalakihan na may suot na purong itim na kasuotan.

“Magandang gabi, Mr. Fonteverde. Nasa loob ho si Mr. Segurado Fonteverde,” anang lalaking hindi naman gano’n kalaki ang katawan pero sa tindig nito’y katatakutan mo.

Tumango na lang si Alas at sineyasan na buksan ang pinto na kaagad namang tinalima ng lalaki.

“My favorite nephew is now here.” Halakhak ni Segundo nang makita ang pamangkin.

Paanong paborito e, siya lang naman ang kaisa-isang pamangkin nito.

“Mr. Fonteverde! Boss, pakawalan mo ’ko. Wala talaga akong kinalaman doon,” pagmamakaawa at pagpapalag na rin ng lalaking basag-basag na ang mukha at puno ng dugo mula sa mga sugat na natamo dahil sa pambubugbog. Nakaluhod ito