Chapter 36

Maaga pa lamang ay umalis na kaagad si Athena sa kaniyang apartment. Nagtungo siya sa condo ni Gunner na nasa Luxemoria pa lang para sunduin ito.

“Who are we going to meet again?” tanong niya habang papalabas pa lamang ang kaniyang boss mula sa kwarto nito.

Halatang kagigising lang nito dahil sa buhok niyang parang pugad ng ibon. Nakasuot pa ito ng itim na pajama, dahilan para mas lalong tumingkad ang pagkaputi nito.

“A friend,” tanging sagot ni Gunner. “Just a friend I did not see for the past three years.”

Tumango-tango na lamang si Athena bago muling binaling ang kaniyang atensyon sa magazine. Pagtingin sa sumunod na pahina, litrato agad ni Gunner ang bumungad. Hindi na iyon bago sa kaniya dahil inasahan na niyang masasali ito sa World Renowned Motor Racers. Sa kaniyang pagkakaalam, siya ulit ang nanalo sa pinakahuling Grand Prix noong nakaraang taon.

Habang abala siya sa pagbabasa, umupo si Gunner sa tabi niya. May pinindot ito sa remote bago bumungad ang litrato nina Liraz at Ni