CHAPTER 61: COMFORT

SA MGA NAKALIPAS NA ARAW, hinayaan na ako ni Vito na bumalik sa pagtatrabaho bilang designer at modelo sa MTD Jewels. Miss na miss ko na rin magtrabaho at ayaw ko naman na magkulong pa sa bahay. Sinigurado ni Vito na mayro’ng nagbabantay sa akin na mga tauhan niya na laging nakasunod sa bawat pupuntahan ko. Ayos lang naman iyon sa akin lalo na’t medyo natatakot din ako na baka maulit muli ang nangyari sa akin. Habang si Vito naman ay laging binabantayan si Archer sa school kasama si Guishonne. At saka hindi rin naman mahiwalay si Archer kay Vito at sobrang clingy ng aming anak sa kaniya.

Hindi ako umuuwi nang hindi ko tapos ang aking mga dapat gawin. Marami na rin akong naging bagong designs para sa Rare Collection ng MTD Jewels. Talagang sinigurado ko na mayro’n akong sopresa para sa mga sumusuporta at tumatangkilik sa mga gawa ko na marami silang aabangan sa aking muling pagbabalik.

Masayang-masaya naman si Madam Jen-jen sa muli kong pagbabalik at mayro’ng mga araw na bumibisita s