CHAPTER 64: SIBLINGS

MAGKAHAWAK-KAMAY kaming dalawa ni Luther papunta sa Arcade Zone kung nasaan sina Vito at Archer habang nakasunod sa amin ang mga tauhan ni Vito na bitbit ang mga pinamili ko.

“Wow!” bulalas ni Luther nang nakapasok na kami sa loob ng Arcade Zone.

Bakas ang kasiyahan sa mukha ni Luther habang palinga-linga sa paligid. Halatang ngayon lamang siya nakapasok dito. Sumikip naman ang aking dibdib sa isipin na hindi man lang ipinadama ng kaniyang mga magulang ang mga ganitong bagay sa kaniya.

“Pumunta tayo sa gilid at nando’n si Archer,” anyaya ko. “Puwede kang maglaro hangga’t gusto mo, Luther.