CHAPTER 68: DUMBFOUNDED

HINDI TALAGA ako pinapasok sa trabaho ng ilang mga araw kaya naman nasa bahay lang ako. Ayaw naman akong pagawain ng mga gawaing bahay ni Vito pero talagang ipinilit ko na kahit sa pagluluto ay hayaan niya ako at mabuti na lang pumayag siya dahil kung hindi ay kukulitin ko siya.

Sobrang masaya ako na ipagluto ng breakfast, lunch at dinner namin ng aking mag-ama. Pati ang baon ni Archer ay pinaghahandaan ko araw-araw at sinisigurado kong mag-e-enjoy siya sa bawat inihahanda ko para sa kaniya. Lumalabas talaga ang pagiging artist ko mula sa pag-de-design at pag-iisip ng mga lulutuin ko na ilalagay sa lunch box ni Archer para mas lalo siyang ganahan sa pag-aaral.

Ngunit hindi ko aakalain na magiging bidang-bida si Archer sa school. Nagkukuwento pa nga sa akin si Archer na tuwang-tuwa at naiinggit daw ang mga kaklase niya sa kaniyang baon kaya naman nagpapagawa din sila sa kanilang mga magulang. Masaya naman na na-a-appreciate ang effort ko lalo na’t lagi akong pinupugpog ni Archer ng m