Ikalawang Kabanata

Thud!

Malakas ang lagabog ng nahulog na cellphone ni Anna.

Nabitiwan niya ito sa sobrang pagkabigla.

Kakakausap pa lang niya sa boyfriend na si Glenn.

Itinanong niya kung maaari silang magkita ngayon.

Ang nais niya ay dalawin ito sa bahay.

Alam kasi niyang kalalabas lang nito ng ospital dahil sa fracture sa paa nang maaksidente sa larong basketball.

Nalungkot pa siya nang sabihin nitong huwag muna dahil naroon at nagbabantay ang Mommy nito.

For odd reasons kasi ay tutol sa kanya ang parents ng boyfriend.

Hindi niya talaga mahagilap hanggang ngayon ang dahilan kung bakit hindi sila malayang magkita ng nobyo.

Mula kasi nang malaman ng parents nito na may ugnayan na sila ng binata ay pinaghigpitan na ang binata ng kanyang Mommy.

Si Anna man ay tahasan na ring itinaboy nito nang minsang dumalaw siya upang magkaayos.

Wala itong sinabing dahilan.

Basta na lamang siyang winarningan na sa oras na subukan pang muli na bumalik roon ay ipapadala na ang nobyo sa States para doon na mag-aral.

Maganda naman si Anna, ayon sa pagkakakilala sa sarili.

Tatlong magkakasunod na taon siyang itinanghal na muse noong high school.

Matalino rin siya at galing pa sa buena pamilya.

Haciendera ang kanyang mommy.

Napakalawak ng lupain nila sa Zambales. May export business sila na kasalukuyang mina-manage ng kanyang daddy.

Beauty and brain, idagdag pa ang yaman ng pamilya ay halos perpekto na siya.

Kay naman ay takang-taka sya kung bakit ayaw ng mga magulang ng lalaki sa kanya sa unang pagkikita pa lamang.

Isang principal ng exclusive Elementary School ang kanyang soon-to-be mother in-law. Ang Amerikano namang ama ng nobyo ay may sariling cafe business sa US.

May sinasabi rin ang pamilya nito, subalit mas mayaman pa rin naman ang pamilya Madera.

Naging magka-eskwela sila ng kanyang boyfriend first year college pa lamang sila. At the age of sixteen ay nahumaling na siya rito.

Mestisong gwapo kasi at napaka galante pa noong nanliligaw palang. Tuwang-tuwa siya noon lalo na sa tuwing nireregaluhan siya ng kung ano-anong mamahaling gamit sa tuwing sasapit ang kanilang monthsary.

Masaya silang magkasintahan kahit patago-tago lang palagi ang kanilang pagkikita.

Ayaw din kasi ng kanyang Mommy na makipagrelasyon muna siya dahil napakabata pa raw ng kaniyang edad.

Walang nakapigil sa mapusok na damdamin. Noong first year anniversary nila, at the age of seventeen years old ay nakuha na ng nobyo ang kanyang pagkababae.

Sumama kasi siya noon sa kanyang Daddy nang magka problema sila ng Mommy niya. Naging pagkakataon iyon upang magkasama sila ng nobyo dahil na rin sa basbas ng Daddy niya.

Nasundan pa iyon ng makailang ulit. Mabuti na lamang at maingat ang kanyang nobyo. Hindi siya nabubuntis na ayaw niya rin namang mangyari.

Wala siyang planong magkaanak sa murang edad. Alam niyang mahirap mag-alaga ng bata.

Isa pa ay hindi niya rin magagawa ang mga bagay na gusto nyang gawin tulad ng pagmomodelo. May nakilala kasi siyang recruiter ng isang teenage magazine. Nagandahan ito sa kanya at ninais na siya ay kunin na model.

Tuwang-tuwa siya noong ibinalita niya ito sa kanyang nobyo, ngunit nagulat siya sa naging reaksyon nito. Ayaw nito na mag model siya. Ang sabi niya ito ay masyado niyang ibinubuyangyang ang kanyang katawan sa harap ng maraming tao. Dahil sa pagmamahal sa kanyang nobyo at sinunod niya ito.

Kaya naman, umaasa siya na tutulungan siya nito ngayong siya naman ang nangangailangan. Ayaw niya nang umuwi sa kanyang Daddy.

Hindi niya matatanggap ng ma kasama niya sa iisang bahay ang babae na ipinalit nito sa kanyang Mommy.

Mula nang mamatay ang kanyang Mommy, pakiramdam niya ay masyadong malungkot ang buong mansyon. Napakalamig sa loob nito dahil sa bukod pag-iisa niya ay napapaligiran pa iyon ng mga alaala ng namatay na mommy.

Madalas ay sinusundot ang kaniyang konsensya ng hapdi sa lahat ng mga pagkakamaling nagawa niya sa kanyang Mommy. But this time, aalagaan niya ang memories nito.

Iyon ang dahilan kung bakit siya nagpunta rito sa subdivision kung nasaan ang bahay ng kanyang nobyo. Nasa labas lamang siya sa may gilid ng kalsada noong tawagan ang nobyo.

Ang balak niya ay isumbong rito ang kanyang sama ng loob. Inisip niyang kusa itong mag-aalok na patirahin siya roon dahil sa pagmamahal sa kanya.

She got money with her. Kung sakaling hindi mapakiusapang ang mommy ng nobyo ay aayain niya itong umupa na lamang ng apartment.

Bukod sa nalungkot siya na hindi sumang-ayon sa plano niya ang naging sagot ng nobyo ay nagulat siya ng bumukas ang gate ng two-storey duplex na bahay nito.

Palabas ang kotse ni Mrs. Endersen, pero nagulantang siya nang makitang si Glenn ang nagda-drive ng kotse at may babae itong kasama na nakaupo sa passenger seat.

Kilala niya iyon, si Julianne Martin. Tisay at ka-eskwela niya noong hayskul. Ito ang palaging second placer kapag may beauty contest siyang nasasalihan sa school.

Napansin niya ang byenan niyang hilaw na masayang kumakaway pa sa papalayong sasakyan. Ang istriktang ina ng nobyo ay hinayaan itong mag-drive sa ganung kalagayan at mukhang napakasaya nito sa naging bisita.

May selos na agad na umusbong sa puso ni Anna.

Out of impulse dahil sa patong-patong ang naging problema ay iniharap niya ang kanyang sariling katawan sa gitna ng kalsada. Mabuti na lamang at nakapag preno kaagad si Glenn. Kita niya ang pagkagulat sa mukha nito at ang pamumutla rin ng kasama.

Nilinga niya si Mrs. Endersen. Bagamat nagulat ito ay kaagad na tumikwas ang mga kilay nito na para bang sya pa ang kini-question kung ano ang ginagawa niya sa gitna ng kalsada.

“Ano bang ginagawa mo? Sabihin mo nga, tinu-two time mo ba ako, hayop ka?”, hindi nito napigilang pagsisisigaw sa nobyo. Sa galit ay hinampas pa niya ang hawak na bag sa kotse nito.

Lumabas si Glenn na nakabawi na sa pagkagulat at ngayon ay galit na galit ang mukha.

“Buwisit kang babae ka! Ano bang ginagawa mo? Gusto mo lang magpakamatay nandadamay ka pa. Sinabi ko naman sa iyong huwag kang pumunta dito, hindi ba? Ngayon magagalit ka diyan sa natuklasan mo!”

Nagulantang si Anna.

“Ang kapal naman ng mukha ng lalaking ito. Ikaw na nga ang nahuling nagloloko ay ikaw pa itong may ganang magalit.,” pagsisi-sigaw ni Anna.

Sumambulat ang lahat ng kinikimkim na sama ng loob ni Anna. Sinugod niya ang lalaki at pinagsasampal.

Dinig niya ang pagsisisigaw ng ina nito, ngunit wala na siyang pakialam dito.

“Ang anak ko, bitiwan mo!”

Ngunit hindi niya hinayaang makalayo ang lalaki. Sinabunutan niya ito, at sa sobrang galit ay pinag-uuntog sa hood ng kotse.

Hindi siguro inakala ng nobyo na kakayanin niyang manakit. Sophisticated and elegant kasi siya sa tuwing kasama niya si Glenn. Ngayon niya pa lang ipinakita rito na pwede rin siyang maging tigre kapag galit.

Kung kaya nagulantang ito at hindi na nakuhang lumaban o gumanti. Halos ay hindi niya na makita ang pagmumukha mo nito. Wala na rin siyang maaninag sa paligid.

Ang tanging nararamdaman na lang niya ay ang buhok na nasa mga palad niya at ang paghila sa kanya ng kung sino palayo sa katawan ng kanyang nobyo.

“Aaahhh! Shit kayong lahat!”

Naramdaman niya ang tila pagkawala ng lakas sa kanyang mga binti. Nahihilo siya at tila ba ay hinihila ng kung sino patungo sa kadiliman.

She’s losing her consciousness.

Kahit anong pigil ang gawin niya ay wala siyang nagawa. At tuluyan nang nagdilim ang kanyang paningin.

Tila ba ay nasa bangungot si Anna at hindi magawang magising. Sa isang iglap lang ay nawala sa kanya ang lahat.

Luhaan siyang binabagtas ang madilim nang kalye. Tahimik ang paligid at walang dumaraang sasakyan.

Kani-kanina lamang ay nakita niyang lumampas ang nagrorondang guwardiya mula sa subdivision.

Nagawa niya itong iwasan dahil siniguro niyang hindi siya nito makikita. Alam niyang ipa-pupulis siya ni Mrs. Endersen dahil sa ginawa niyang pananakit sa nobyo.

Naalimpungatan siya sa loob ng vacant room sa clubhouse ng residential  subdivision kanina. May naririnig siyang nag-uusap sa labas, or rather tumatawag ng pulis, at hindi niya iyon nagustuhan.

Kung kaya dali-dali siyang hinagilap ang mga gamit at tumalon sa bintana na hindi naman kataasan.

Nagtatatakbo siya. Iniwasan niya ang mga sasakyang nagdaraan na maaaring kakilala ni Mrs.Endersen at magsuplong sa kanya sa mga pulis.

Sa ginawa niyang eskandalo kanina, marahil ay kalat na ang balita, lalo pa nga at nakita niya ang mga guwardiyang mahigpit na nagmamasid sa paligid.

Sa kabutihang-palad ay nakalusot siya sa mga ito. At ngayon nga ay nasa kalagitnaan na siya ng malawak na lupaing sumasakop sa katabing residential subdivision.

May nakita siyang nakaupong dalawang lalaki na madadaanan niya. Napatigil siya at nagmanman na muna.

Mukhang nag-iinuman kasi ang mga ito sa tabi ng kalsada. Nagda-dalawang isip siya kung tutuloy ba o maghihintay na lang muna hanggang sa umalis ang mga lalaki.

Inisip niyang makabubuti na maghintay at magmasid muna siya. Hindi siya puwedeng magtiwala kahit kanino, lalo na at wala siyang makitang ibang tao sa paligid.

Habang nakasalampak sa kalsada sa dilim ay hindi maiwasan ni Anna na umiyak. Kusang tumulo ang mga luha niya sa mata nang maalala ang miserableng kinahantungan ng two years na relasyon nila ni Kenneth Glenn Endersen.

Sa kanyang pag-iyak ay nanumbalik ang galit. Wala na siyang nobyo.

At dahil ayaw na niyang bumalik sa piling ng daddy niya, kailangan niyang matutong mabuhay mag-isa.

Biglang may maingay na kung anu ang bumulong bulong sa tainga ni Anna. Napabalikwas siya ng tayo at ipinagpag ang sarili. Napakarami palang lamok sa lugar na iyon.

Hindi niya na matiis. Nagugutom na rin siya at sa wari niya ay wala pang balak umalis ng mga tambay na iyon.

“Bahala na! Kaya mo ito, Anna. Laban lang!”

Huminga muna siya ng malalim bago humakbang patungo sa direksiyon ng nag-iinumang tambay. Taas-noo siya at ang balak ay huwag pansinin ang dalawa, kung sakali mang magtangka ang mga ito na kausapin siya.

Subalit habang papalapit siya ay nakita niya ang mukha ng mga ito.

Ang isa ay malaking tao, mukhang suki sa gym dahil sa naglalakihang muscles nito. Pangkaraniwan ang mukha at may kaitiman ang balat.

Ang isa naman ay maputi, iyong saktong puti lang at hindi tisoy na tulad sa ngayon ay ex na niyang si Glenn. Hindi gaanong malaki ang muscles nito ngunit mukhang makisig rin dahil sa mga nagiigtingan nitong ugat sa kamay.

Mukhang mas matangkad ito kesa sa kainuman kahit pareho silang nakaupo. Mas malapad din ang balikat at d****b nito.

At wow! Napaka guwapo nitong tingnan habang tumatawa. Nangungusap ang mapupungay nitong mga mata. Napatitig siya rito.

May kung anong kumudlit sa puso ni Anna ng sandaling iyon. Ngayon pa lang siya naka-appreciate ng lalaking hindi tisoy. Iyon kasi ang standard niya ng guwapo.

Ngunit habang papalapit siya sa kinaroroonan ng walang kamalay-malay na estranghero ay lalo lang siyang naaakit rito.

“Mas guwapo pa siya kesa kay Glenn kung tutuusin.”

Hindi niya inaasahang masasabi iyon malakas, bagay na hindi nakaligtas sa pandinig ng dalawang nagiinumang tambay.

Kumabog sa matinding kaba ang d****b ni Anna. Natakot siya sa maaaring kahinatnan nang nagawa niya pagkakamali.

Ngunit tila ba ay wala siya sa sarili na tuloy pa rin ang paglakad palapit sa dalawa. Nahigit niya ang sariling hininga ng matitigan ng malapitan ang tambay na umakit sa atensiyon niya.

“My God! Mas gwapo siya sa malapitan. Makinis, neat-looking, at mukhang mabango! Wait, what?!”

Napahinto siya sa paglakad sa mismong tapat pa ng kinakikiligang lalaki. Nabigla kasi siya sa mga naiisip. Ito pa lamang ang unang pagkakataon na kinilig siya sa isang lalaki maliban kay Glenn.

Mula kasi ng maging boyfriend niya ito ay buong atensiyon niya ang itinuon lamang sa boyfriend lalo na ng malamang seloso ito. Kahit sa artistang lalaki ay hindi na rin siya naging interesado.

Sa madaling sabi ay umikot ang mundo niya sa palikerong ex niya.

Naramdaman niya muli ang pamilyar na galit sa ginawa nito. At isang ideya ang biglang pumasok sa nagugulumihanan niyang isip.

Gagantihan niya si Glenn. Ipapakita niya ritong hindi siya ang nawalan. Papatunayan niyang nagkamali ito sa ginawa nitong panloloko sa kanya.

Hindi niya alam kung saan siya humugot ng lakas ng loob o kapal ng mukha.

Ngumiti si Anna nang pagkatamis-tamis sa estrangherong gwapo na ngayon ay matamang nakatitig sa kanya.

“Mind if I join you, cutie pie?”

At nakuha niya pang kumindat na ikinagulat ng kaharap. Nagtitigan sila nang matagal bago nag-muwestra ang lalaking pumapayag ito. Umusog ito upang bigyan siya ng pwesto sa tabi nito.

Pagkaupo ay agad na nalanghap ni Anna ang perfume nito na hindi nagawang tabunan ng amoy ng alak.

She loved the oozing masculine aroma coming from the stranger's well-built physique.  And subconsciously, or not, she has the feeling this would be a long, steamy, and wonderful night!