Chapter 290

Xyrica’s POV:

Nakapag-usap lang kami ng maayos ni nurse Dawn nang makalabas na ako sa hospital. Noong tumawag kasi ako sa kanya sa cellphone ni Cyborg ay kinumusta niya lang ako, at sinabihan na magpagaling kaagad. Sinabi ko sa kanya kung ano rin ‘yung sinabi sa akin nina tito Leo, pero pinalitan niya lang ang paksa tapos pinasigurado niya sa akin na magpagaling talaga ako.

Iyon ang ginawa ko. Pagkatapos sabihin ng doktor na puwede na akong umuwi ay dumiretso ako sa kinaroroonan ni nurse Dawn, kasama ang mga kaibigan ko. Sa kanya ko nalaman ang isa pa sa katotohanan na dapat sana’y nalaman ko mula kay dean Steinfeld. Hindi ko akalaing sa loob ng ilang taon ay nasa kanya ang mama namin, tapos ang buong akala namin ay patay na. Napaiyak ako sa sinabi ni nurse Dawn sa akin at niyakap ko ang babaeng nakahiga sa hospital bed.

Hindi ko akalaing nasa iisang lugar lang pala kami ng mama ko noong nagpunta ako sa hospital para sundan si dean Steinfeld. Kaya pala hindi siya mapakali kasi natatak