Chapter 298

Xyrica’s POV:

Pagkatapos mag-umagahan ng mga bisita namin ay nagpaalam na sila. Taos-puso ulit kaming nagpasalamat sa kanila sa kabutihang nagawa nila. Mabuti na nga lang at napilit ko sina Aris na tanggapin ang pera na pambayad sa lahat ng nagastos nila sa akin. Ayaw sana nilang tanggapin ‘yung perang binigay ko, pero nang dahil kay Joanna Kate ay napilitang tanggapin ng dalawa ang bayad ko. At umalis sila na may magandang relasyon sa mga kaibigan ko.

Nakilala rin nila si nurse Dawn, Allen, at si mama. Pinapasok ko kasi sila sa kuwarto kasi iyon din ang gusto ni nurse Dawn. Sayang nga lang at hindi nila nakilala si tito Leo. Siguro ay matutuwa iyon kapag nakilala sila, pero sa susunod na lang siguro kung bibigyan man kami ng pagkakataon na magkita ulit.

“Ang sabi sa amin ni nurse Dawn ay babalik daw kayo sa dating bahay?” Tanong sa akin ni Yuan matapos naming makapaglinis sa bahay ni tito Leo. “Sino ang magbabantay kay tita rito?”

Tumango ako sabay sabing, “Oo, babalik nga kami roon.