Chapter 176

Xyrica’s POV:

Pagkatapos ng insidente kaninang umaga ay hindi na ako tinigilan ng mga kaibigan ko. Unti-unti na rin silang naging abala sa misyon namin ni Cyborg. Mabuti nalang talaga at sinalo ni Cyborg ang gawain na dapat sana ay kaming dalawa ang gumagawa, kasi hindi ko basta-bastang nagagamit ang earpiece. Hindi man nakikita ng ibang tao ang earpiece na suot ko… wala rin namang kwenta ito kasi hindi ako makapagfocus sa pakikinig kay dean Steinfeld kasi palagi nalang akong kinakausap ng barkada ko.

Nakatago ang earpiece na suot ko sa ilalim ng buhok kaya hindi ito madaling makita ng Akinomo Phoenix Gang. Para naman sa earpiece nina Alver at Cyborg… nakikita ito ng lahat pero hindi naman sila pinapagalitan, lalo na si Alver. Sanay na kasi ang iba na makita si Alver na parang lutang palagi pero ang totoo ay nakikinig naman talag siya sa klase.

Humingi na ako ng tawad sa kanila sa pamamagitan ng pagtext sa kanila, na hindi ko muna sila matutulungan ngayon dahil nga sa mga kaibigan ko.