TRIST & RAM 2

TRISTAÑIA

BUONG araw akong nasa opisina at naging abala sa trabado. Kung hindi ako nakaramdam ng gutom hindi ko namalayan na alas tres na sa hapon. Nagtimpla ako ng kape ng lumapit sa akin ang isa sa kasamahan ko.

“Lieutenant pinapatawag ka ni Commander.”

“Susunod ako.”

Iniwan ko ang kape sa table ko at tinungo ang opisina ni Commander. Kumatok muna ako bago binuksan ang pinto. Bumungad sa akin si Commander, si Captain Wenard na nakaupo sa visiting chair habang si Inspector Jade nakatayo sa gilid.

Nagbigay galang ako kay commander bago tumayo sa tabi ni Inspector Jade. “Binabati kita, Lieutenant sa matagumpay na operasyon niyo ni Inspector Jade.”

“Salamat, Commander.”

“Huh! Hindi magiging matagumpay ang operasyon kung hindi kami dumating. Lieutenant, kung hindi kami dumating paniguradong pinaglalamayan ka na ngayon. Hindi kaya isang palabas lang nangyari kahapon para masabing tapat ka?” Sarkastikong sambit ni Captain Wenard.

“Anong ibig mong sabihin, Captain?”

“Hindi ba't mortal na ka away nang pamilya mo si Nemuel kaya nasisiguro ko na hindi trabaho ang ginagawa mo kundi personal. Alam naman nating lahat kung anong klaseng tao ang mga Sandoval. Bakit ka nga ba nagpulis, Lieutenant?”

Nanunudyong ngumisi si Captain Wenard dahilan para maikuyom ko ang kamao ko. Lalapitan ko na sana ito pero pinigilan ako ni Inspector Jade.

“Ano ah? Sasaktan mo ako? Bakit may mali ba sa sinabi ko Lieutenant Trist?”

“Tama na 'yan, Captain, Lieutenant.” Saway ni Commander. “Lieutenant igalang mo ang makakatakaas sa 'yo.” Bumaling si Commander kay Captain Wenard. “Captain, respetohin mo ang mga tao mo upang igalang ka.”

“Yes, sir!”

“Copy, sir!”

Nagkatinginan kaming dalawa ni Captain Wenard. Si Captain Wenard ang kilala kung pulis na kahit hindi niya pinaghirapan gusto na palaging na sa kaniya ang credit. Nakakapikon man pero siya pa rin ang team leader namin.

Katulad na lang nang naging operation namin kahapon kay Nemuel na isang mafia boss. Hindi man naging madaling kalabanin ang isang mafia boss pero namatay pa rin ito sa mismong kamay ko. Pagkatapos ng ginawa niya sa dalagita hindi ako papayag na may mabiktima pa siyang iba! Ang isang hayop na katulad niya ay walang karapatan na mabuhay!

Nagawa namin ng maayos ang mission. Dumating ang back up na tapos na ang putukan at patay na ang kalaban. As usual bida siya dahil siya ang Captain.

“Captain, ipagpatuloy mo ang pag-imbistiga. Nakakasiguro akong may papalit sa pwesto ni Nemuel. Inspector, mula ngayon makakasama mo na si Lieutenant sa pagsugpo ng droga.”

Natigilan ako. Nagkatinginan kami ni Captain Wenard bago ito tumingin kay Commander at agad na nagreklamo. “Commander, masyado pang bata si Lieutenant para sa mga kasong hinahawakan ni Inspector.”

“Sa tingin ko ay mas magandang magtulungan sila ni Inspector sa kasong ito.” Iniabot ni Commander ang isang folder kay Inspector at tinanggap naman nito. “Kapag may update agad kayong magreport sa akin, ganu'n din sa inyo, Captain.”

“Yes, Sir.” Tugon ni Inspector Jade.

“Pero Commander —” Protesta ni Captain Wenard.

“May sasabihin ka, Captain?”

“No, sir.” Tugon ni Captain.

Nagbigay galang kami kay Commander bago kami lumabas ni Inspector Jade. Magkasabay kaming naglakad papunta sa aming desk.

“Masaya akong makasama ka sa trabaho, Inspector.”

“Ngayon mo patunayan kung gaano talaga kagaling ang isang Lieutenant Trist.”

Nagkatinginan kaming dalawa at tumango ako sa kaniya. Napakaseryo niya talaga kahit kailan hindi ko pa siya nakikitang ngumiti.

“Tsk! Wag mong isipin na magaling ka, Lieutenant dahil sinasabi ko sa 'yo na punta ka sa bulok na Inspector! Tingnan lang natin kung may aangat sa inyong dalawa.” Nakangising bumaling si Captain kay Inspector.

Naglakad ito palaba pero agad rin namang huminto at bumaling sa amin. “Pag-isipan mo kung saan ka dapat na sumama. Tandaan niyo iisang team pa rin tayo at ako pa rin ang team leader, maliwanag?”

“Hindi ko na kailangan na pag-isipan pa dahil wala akong ibang susundin kundi ang utos ni Commander.” Walang emotion kong tugon dito dahilan para mapikon ito.

“Tandaan mo, binabantayan ko ang bawat galaw mo, Lieutenant. Isang pagkakamali mo lang babagsak ka kasama ang pinamamahal mong pamilya! Tandaan mo 'yan!” Galit na sambit nito at dinuro ako.

Kung hindi pa siya umalis sa harapan ko baka nakalimutan ko na isa akong pulis at siya ang Captain. Bumalik ako sa table ko at pabagsak na umupo. Pinakalma ko ang sarili ko bago ako nag-ayos ng gamit ko at nag-out.

Pagdating ko sa labas natigilan ako ng magvibrate ang phone kaya agad ko itong kinuha sa bulsa. Nagulat ako nang biglang huminto sa tapat ko ang itim na sasakyan.

Nagbaba ako ng tingin sa phone ko at binasa ang mensahe. “I'll pick you up.”

Agad na dumapo ang mata ko sa itim na sasakyan. Dahan-dahang bumababa ang salamin ng bintana kaya umuklo ako para tingnan kung sino ito. Napatampal ako sa noo ng makita ko ang gwapong nilalang na magagawi dito sa working place ko.

Sumenyas siya na pumasok sa loob. Sumimangot ako pero agad rin akong sumunod sa kaniya ng sumenyas ulit siya. Padabog akong sumakay sa passenger seat. Nagsusuot ako ng seatbelt ng mahagip ng mata ko si Captain Wenard na nakatingin sa akin. Sumenyas pa ito na sinasabing nasa akin ang mata niya. Inirapan ko siya at isinara ang bintana.

“How's your day my sexy love?” He sweetly asked while starting the engine of the car. Napairap ako at pinag-cross ang mga kamay.

“Ayos lang sana kaso dumating ka pa.”

He chuckled that's make me look at him badly. “Ano bang na kain mo at na isipan mo akong sunduin, Mister?”

“Wala pa, Madame. Kaya nga kita sinundo kasi ikaw ang taya. Nga pala, may na daanan ako kanina na bagong bukas na restaurant sabi nila masarap doon, try natin.”

“Kuya!” Inis na saway ko dito. “Wala ka bang girlfriend para ako ang yayain mong magdinner?”

“Psh. Ang ganito ka gwapong nilalang hindi nawawalan ng girlfriend ang kaso ikaw ang gusto kung kasama magdinner bakit may angal ka? May boyfriend ka na ba? Sino 'yong pulis na gurang, sugar daddy mo?”

“Thyne Xavier Sandoval! Isa pa sisipain na kita palabas ng sasakyan!”

“Hindi ko gusto ang mga titig niya sa 'yo, titig na hindi na siya sisikatan ng araw kahit kailan.” Agad akong napatingin sa kaniya. Sa pagkakataong ito seryosong-seryoso siya.

“Kaya ko na ang sarili ko, malaki na ako. Hindi mo na rin ako kailangan sunduin na para bang college students pa rin! I'm already Lieutenant.”

“Kahit may Lieutenant pang nakakabit diyan sa pangalan mo hindi pa rin magbabago na ikaw ang princessa ko. Tandaan mo kahit uugod-ugod ka na darating pa rin ako para sunduin ka kahit ayaw mo pa.”

Inihinto niya ang sasakyan sa tapat ng isang restaurant na sinasabi niyang bagong bukas. Kumain kaming dalawa at sa dami ng in-order ko wala siyang angal. Ang mahalaga sa kaniya kumain ako na kasama siya kahit siya pa ang magbayad. Palagi niyang sinasabi na ako ang taya pero kapag nasa kainan na kami siya pa rin ang nagbabayad.

“Salamat sa libre!”

Kumapit ako sa braso niya at tumingkayad ako para gawaran siya ng halik sa pisngi. Napangiwing pinunasan niya ang pisngi niya.

“Love, bakit mo ako hinalikan? Kadiri naman 'to! Baka isipin ng mga chickababes ko mayroon akong girlfriend na pulis!”

“Mas mabuti para walang magtatangka na maging kabit mo!”

“Hayst!” Tinanggal niya ang kamay ko sa braso niya. Pinunasan niya ang pisngi niya kaya sumimangot ako. “Kung mag-inarte ka feeling virgin!”

Inirapan ko siya at tinulak at na unang naglakad sa kaniya. “Hoy! Hoy! Anong sinabi mo?!” Habol niya sa akin kaya mabilis akong tumakbo.

“Love bumalik ka dito! Lagot ka sa akin kapag na huli kita!”

Mabilis akong tumakbo papunta sa sakayan at pumara ng taxi. Agad akong sumakay ng huminto ito at sinabi sa driver ang location.

“Love, bumalik ka dito!”

Nakangiting ibinaba ko ang bintana sa backseat at kumaway na may malapad na ngiti sa labi. “Bye-bye! Thank you sa dinner na busog ako! Muah!” Mag flying kiss ako sa kaniya.

Gigil itong huminto sa pagtakbo at tinuro ako na sakay ng taxi na papalayo sa kinaruruonan niya. Nakangiting tumingin ako sa likuran ng makita ang pikon niyang reaction.

“Salamat, Manong!”

Inabot ko ang bayad at bumaba ng taxi. Naglakad ako papasok sa building. Sumakay ako ng elevator at bumaba sa floor kung saan ang unit ko. Agad akong pumasok sa loob at dumiretso sa kwarto.

Inilagay ko ang baril ko sa ibabaw ng study table ko kasama ang phone at wallet ko bago pumasok sa banyo. Hinubad ko ang lahat ng saplot ko bago pumailalim sa masarap na tubig. Pagkatapos kung maligo agad akong sumampa sa kama ko at nagpahinga.

Kinabukasan maaga akong nakarating sa opisina. Pagkababa ko pa lang ng sasakyan napansin ko ang mga tao na tinitingnan ako at nagbubulungan hangang sa makarating ako sa desk ko kakaiba ang kilos ng mga ito.

Nakita ko si Inspector na may dala-dalang mga report papunta sa desk niya. Nagbigay galang ako dito pero tiningnan niya lang ako at nilampasan. Lumapit ako sa kaniya. “Inspector, bakit ang weird ng mga tao ngayon?”

Tiningnan lang ako ni Inspector at muling bumalik sa ginagawa niya. Kinuha ko ang cellphone ko ng magvibrate ito. Agad kung binuksan ang link na sinend sa akin ni Kuya Thyne.

Holy mother fucker!

Napakurap-kurap ako ng makita ang larawan namin ni Kuya Thyne. Iyong ginawa kung pahalik sa kaniya kagabi at mayroong caption na; A new puppet of Thyne Xavier is a pulis woman!

Puppet mo mukha mo!

Napatingin ako sa paligid ko at nakita kung sa akin talaga sila nakatingin. Kaya pala ang weirdo nila dahil dito sa viral picture na ito na umabot ng 500K reactions.

“Hindi pa nga nagsisimula ang totoong laban mukhang may babagsak na, hindi ba Lieutenant?” Bumaling ako sa likuran ko kung saan ko na rinig ang boses ni Captain.

“Wala akong alam sa sinasabi mo, Captain.”

Naglakad ito papalapit sa akin at ngumisi. “Wag mo ng itanggi, ikaw lang naman ang babaeng pinagkakaguluhan sa social media, tama?”

Minsan na tanong ko sa sarili ko kung paano naging isang captain ang isang 'to na nasa talampakan naman ang utak!

“Puppet?” Tiningnan niya ako mula ulo hangang paa na may pangmamaliit. Tiningnan ko siya ng seryoso. “Ayusin mo ang trabaho mo, hindi 'yong kung anu-ano ang tinatrabaho mo!”

Naikuyom ko ang kamao ko. Kapag siya ang kaharap ko na buhuhay ang dugo ko. Bumaba ang tingin niya sa kamao ko at nakangising hinahaplos ang baba niya na para bang mas lalo niya akong hinahamon.

“Lieutenant.” Tawag sa akin ni Inspector. Lumapit ako sa kaniya. “Yes, Inspector?”

“Mag-ayos ka may pupuntahan tayong misson.” Sambit niya habang sinusuot ang leader jacket niya. “Sige, Inspector.”

Sumunod ako kay Inspector pero hinarang kami ni Captain.

“Hoy! Hoy! Saan naman kayo pupunta oras ng trabaho?” Tinuro niya kaming dalawa dahilan para magkatitigan kami ni Inspector.

“Magt-trabaho.” Tipid na tugon ni Inspector. Akmang lalampasan niya ito ng harangin siya ng kamay nito. “I-report mo sa akin ang makukuha niyo.”

“Walang sinabi si Commander na sa 'yo ako mag-rereport.”