TRIST & RAM 5

TRISTAÑIA

“SALAMAT sa tulong Sargeant Victor!”

Sambit ko nang makapasok ako sa loob ng sasakyan. Hindi ako makakatakas sa mga 'yon kung hindi ako tinulungan ni Sargeant Victor.

“Basta ikaw, Lieutenant. Walang problema.”

Nakatakas man ako sa mga 'yon kay kuya Thyne hindi! Paniguradong dudugo noo ko sa pitik niya dahil sa ginawa kung gulo. Hindi ko naman intention na magkagulo gusto ko lang talagang mag-thank you isa pa ang mga tao lang ang gumagawa ng issue para may pag-usapan.

“Bakit bigla ka na lang na wala ka gabi, Lieutenant? Hinatid ko lang si Inspector sa labas pagbalik ko wala ka na. Alam mo bang pinag-alala mo ako?”

“Pasensiya na Sargeant.”

“Ano naman ang kinalaman mo kay Thyne Xavier? Sabi ni Inspector kailangan mong pumunta kay Commander dahil sa kumakalat sa internet.”

“Ano? Paano naman nakarating ang balita kay Commander?” Hindi makapaniwalang tanong ko kay Sargeant Victor.

Nagkibit-balikat siya.

Hinatid ako ni Sargeant Victor sa SIF building. Nagpasalamat ako sa kaniya bago pumasok sa loob. Nakasalubong ko si Lieutenant Nica at hinaranagan ako nito. Tiningnan ako nito mula ulo hangang paa.

“Akala mo kung sinong magaling at malinis may itinatago namang baho sa katawan!”

Si Lieutenant Nica Ignacio ang pumapangalawa sa akin nang nasa training ground pa kami kaya naman na alam ko na matagal na siyang may galit sa akin at ilang beses niya akong sinubukang pabagsakin.

Maganda siya at sexy kung hindi ko lang siya kilalang pulis malamang mapagkakamalan ko siyang isang modelo. Masipag siya sa trabaho ang kaso matagal na siyang may malaking galit sa akin hindi ko alam kung bakit.

“Tumabi ka Lieutenant Nica. Pinapatawag ako ni Commander, gusto mong sumama?”

Bakas sa mukha niya ang asar at inirapan ako. Nginisihan ko naman siya bago ko siya nilampasan at dumiretso sa opisina ni Commander.

Kumatok muna ako bago binuksan ang pinto. Bumungad sa akin si Commander at si Captain Wenard. Nagbigay galang ako bago tumayo ng tuwid.

“Mabuti naman at dumating ka na Lieutenant Trist. Pinatawag kita upang mabigyan kasagutan ang kumakalat sa media.” Inilapag ni Commander ang printed picture namin ni Kuya Thyne na kalat na kalat sa media.

“Sino ba naman ang mag-aakala na ang isang magaling na pulis na kagaya mo ay gagawa ng bagay na ikakasira ng departamento? Umamin ka na Lieutenant ikaw ang babaeng kasama ni Thyne Xavier.” Wika ni Captain Wenard.

Tiningnan ko si Captain nginisihan niya ako na para bang ito na ang huling araw ko na papasok sa building ng SIF. Tumingin ako sa gawi ni Commander naghihintay siya ng sagot mula sa akin.

“Anong masasabi mo, Lieutenant?” Tanong ni Commander.

“Walang masama sa pakikipag-relasyon, ang masama ay ang mga taong nag-iisip ng masama ng hindi alam ang buong katutuhanan.” Tiningnan ko si Captain Wenard at mukhang nakuha niya naman ang sinabi ko.

“Sinasabi mo bang may relasyon ka kay Thyne Xavier? Ibang klase ka, Lieutenant!” Umiiling na sambit ni Captain Wenard.

“Patungkol sa larawan na ‘yan, hindi big deal. Karapatan ng kahit sinumang pulis ang magkaroon ng ka relasyon, hindi ito makakasira sa departamento dahil personal na bagay ito.” I continued.

“Parang inamin mo na rin na may relasyon ka kay Thyne Xavier! Bakit hindi mo pa diretsahin? Alam mo, Lieutenant, sa atin-atin lang 'to ang sekreto mo ay hindi lalabas kapag nagsalita ka.”

“Bakit kung magtanong ka Captain ay para akong kriminal na pilit na pinapaamin sa isang crimen? Sinabi ko na 'diba? Ang bagay na 'yan ay personal walang kinalaman sa 'yo o sa departamento.”

Mabilis na tumayo si Captain Wenard at nilapitan ako. Galit na galit itong humarap sa akin. Nakipaglaban ako sa mga titig niya, kahit na sabihin pang siya ang Captain lalaban at lalaban ako sa kaniya wala yata sa dugo ko ang pagiging duwag.

“Tama na 'yan, Captain. Lumabas ka na muna at mag-uusap kami ni Lieutenant.” Awat sa amin ni Commander.

Hindi bumitaw sa tingin sa akin si Captain hangang sa makalabas siya ng opisina. Tumingin ako kay Commander ng deritso.

“Ngayon ka magtapat sa akin, Lieutenant. Ano ang totoong ugnayanan mo kay Thyne Xavier?” Mahinahong Tanong ni Commander.

Nagkatitigan kami ni Commander at hinihintay niya ang magiging sagot ko. Napag-usapan namin ni Kuya Thyne na aayusin namin ang gusot na ito na walang nakakaalam ng relasyon naming dalawa para protektahan ang isa't-isa.

***

Lumabas ako ng opisina ni Commander pagkatapos naming mag-usap at nakasalubong ko si Captain. Nginisihan niya ako bago nilampasan. Tinungo ko ang desk ko at nahagip ng mata ko si Lieutenant Nica na may dalang tasa ng kape.

May lips formed 'o' when I saw she's handing it to Inspector Jade. Napahawak ako sa baba ko habang pinagmamasdan sila. Sa kilos ni Lieutenant Nica nakikita kung may gusto siya kay Inspector, teka ito ba ang dahilan kung bakit malaki ang galit niya?

Pwes, magalit siya hangang sa mamatay siya sa selos!

Nakangiting lumapit ako sa kanilang dalawa. “Good morning, Inspector!”

Napatingin silang pareho sa akin. Tumango sa akin si Inspector habang si Lieutenant Nica naman ay tiningnan niya ako ng masama.

“Grabi nag-enjoy ako kagabi, sa uulitin inspector.”

Malapad na ngumiti ako sa kaniya. Nakita ko namang nagulat si Inspector sa sinabi ko. Napakurap-kurap siya at tumango ng makuha niya ang ibig kung sabihin. Samantalang si Lieutenant Nica naman ay nanlaki ang mata at namula ang pisngi sa galit.

Nakangiting tinalikuran ko sila at bumalik sa desk ko. Bahala ka diyan mag-over think ante! Nakangiting umupo ako sa swivel chair ko at sinimulang magtrabaho habang pa ngiti-ngiti ako dahil hindi ko ma imagine kung ano na ang iniisip ni Lieutenant Nica na ginawa namin ni Inspector.

“Anong ginawa mo kay Commander para wag kang pakialaman?”

Inis na turan sa akin ni Captain Wenard. Galit na galit itong nakatingin sa akin kaya sinalubong ko ang mga titig niya.

“Ganu'n ako kalakas sa mga lalaki. Kaya mag-iingat ka, Captain.”

Tumayo ako para magkalevel kami. Nagkatitigan kami ng matagal na may galit sa isa't-isa. Umalis siya sa harapan ko pero pinagmamasdan ko pa rin siya hangang sa makalayo sa akin. Nagbaba ako ng tingin sa cellphone ko ng magvibrate ito.

Isang mensahe mula kay Sargeant Victor sa aming group chat. Nagkatinginan kami ni Inspector. Tumango siya sa akin at mabilis na tumayo sa kaniyang silya. Dinampot niya ang kaniyang jacket at naglakad palabas. Inayos ko ang suot kung leader jacket at agad na sumunod kay Inspector.

***

“Dito dinala ang kargamento na ninakaw ni Clyde mula kay Nemuel. Sa natuklasan ko mag-isang kumikilos si Clyde. Wala siyang grupo o anumang kinakapitan sa itaas. Siya ang bumabandera ngayon dahil sa pagkawala ni Nemuel.”

Paliwanag ni Sargeant Victor habang nakatingin kami sa isang warehouse sa gitna ng kagubatan. Hindi madaling mahanap ang lugar na ito dahil sino ba namang mag-aakala na sa gitna ng kagubatan may isang warehouse ng drugs?

Nagtago kami sa likod ng malaking puno na may dumating na big bike. Ipinarada nito ang big bike sa harap ng warehouse. Nakasuot ito ng purong itim. Nagpalinga-linga ito sa paligid kaya nakita ko ng malinaw ang kaniyang mukha.

“Iyan si Clyde ang may-ari ng warehouse.”

Nagkatinginan kami ni Inspector. Kung ganu'n wala pang pumapalit sa pwesto ni Nemuel. Ang kargamento ni Nemuel ay ninakaw ni Clyde at kung mayroon nang pumalit kay Nemuel ay hindi ito hahayaang mangyari. Sa nakikita ko simple at palaboy lang si Clyde. Maaring kaya niyang magpatakbo ng ganitong negosyo pero hindi ako naniniwala na wala siyang sinasandalan.

“Malaking gulo ang mangyayari sa pagitan ng dalawang grupo kapag nagsimula nang bumangon ang grupo ni Nemuel. Sigurado akong hindi matatapos ang gantihan hangga't walang namamatay.” I said.

“Kaya nga nandito tayo, Lieutenant para pigilan ang mga masasamang taong katulad nila na sumisira sa ating bansa at protektahan ang mga kabataan laban sa droga.” Tugon naman ni Sargeant Victor.

“Bago pa man magsimula ang gulo sa pagitan ng dalawang grupo, kailangan na nating alamin ang bagong papalit kay Nemuel.”