Chapter lll

Niahara’s POV

Pagkagising ko ay agad akong naghanap ng murang apartment na malapit lang sa school na papasukan ko. At hindi naman ako nabigo sa paghahanap nakakita agad ako ng girls dorm kung saan mga apat kayong magkakasama sa iisang kwarto medyo malaki laki naman ang space at tama lang sa presyo na ibinigay ng landlady. 

Ang problema ko ngayon ay kung paano ako makakapagtago sa school lalo na kilala sa aming school si lolo. Malaki ang shareholder nito sa school kaya malamang sa malamang mahahanap at mahahanap nila ako.  Agad kong kinuha ang cellphone ko saka tinawagan si Maxyn. Nakailang ring lang ay sinagot niya na rin.

“Hey couz last favor naman oh? Let’s meet at starbucks in San Lazaro. Around 2pm. Don’t tell to lolo na makikipagkita ka sa akin okay?” sabi ko. 

Hindi ko na siya pinagsalita pa pinatayan ko kaagad siya ng tawag para hindi na makareklamo. Pagtapos kong i-end ang call ay pumirma na ko sa ibinigay ng landlady na patungkol sa mga rules and regulations ng apartment. Nang makapirma na ako ay iniabutan niya ako ng susi ng kwarto. 

Kaya naman umakyat na ko papuntang third floor ng apartment nang makarating ako sa may tapat ng pintuan ay huminga muna ako ng malalim at pinakalma ang sarili first time ko kaseng tumira sa ganito ni hindi ko rin alam kung paano sila pakikisamahan. 

“Hayss, bahala na si batman.” kinakabahan kong sambit sa sarili saka kumatok na ako ngunit walang nagbubukas kaya pinihit ko ang hawakan ng pinto saka sumilip. 

Nahihiya akong pumasok ng gulat silang makita ako kaya nginitian ko nalang sila. “Hi!” bungad ko .

“Waaahhhhh?!” pagsisigaw nila na ikinatakip ko ng tenga mawawalan yata ako ng pandinig neto. Nagulat ako nang isa-isa silang nagsilapitan sa akin at hinila ako papasok.

“Nagsasalita ka?” tanong ng babae na tango nalang ang naisagot ko. 

“Hala! Ang cute mo naman? Akala ko nagsasalitang doll kanina.” Sabi naman nung isa habang hawak hawak ang aking kamay.

“Akala ko nga rin.” Segunda naman nung isa pa na may kasamang pagtango napakamot nalang ako ng ulo dahil sa kahihiyan. 

“Uhmm, ako nga pala si Niahara Coltrane bagong tenant dito.” Pagpapakilala ko sa kanila kaya nagpakilala na rin sila. Sina Sadira, Isla at Twyla ang cute ng mga pangalan nila bagay na bagay sa itsura nila.

Iginaya nila ako sa magiging kama ko at tinulungan na rin nila akong ayusin ang kama ko. Hinayaan muna nila akong makapagpahinga kaya umalis muna sila para mag grocery ng makakain para mamaya. Ako na heto walang magawa kaya napagpasyahan ko munang ayusin ang mga gamit ko hindi rin naman ako makakatulog eh, kahit kaunti lang na damit ang naidala ko ay kailangan pa rin itong ayusin tutal mamaya pa naman ako aalis so may time pa ako para makapag-ayos. 

Yung mga kasama ko rito sa kwarto ay kapareho kong mga nasa senior high. Magkakapareho rin kami ng strands na kinuha General Academics ll Strand laking pasalamat ko nang malaman ko rin na nasa iisang section lang kami kaya hindi na ko mahihirapan. Nagtanong tanong na rin ako tungkol sa kung ano yung mga pinagbago ng school kalagitnaan kase ng school year last year ay nagtransfer ako sa states para sa modeling career ko malay ko ba kung may nabago. 

Napauwi lang naman ako dito sa pinas dahil kay lolo eh ginalingan niya masyadong magdrama hindi pa sana ako uuwi this year kung hindi lang ako dinaan ni Lolo sa pagdadrama like nasa ospital siya naaksidente daw eto namang si paniwalang paniwala kumuha agad ako ng flight sa araw ring iyon tapos malaman laman ko nasugatan lang naman pala kasalanan ko din naman hindi ako nagtanong kung anong aksidente ba ang tinutukoy nila. 

Saka kung ano anong nararamdaman na sakit ni lolo that time kaya hindi na ko nagbalak pang bumalik ng states baka ako pa sisihin kapag may nangyareng masama. Ako kasi ang naatasan na tumingin tingin kay lolo nun lalo na’t ako lang naman ang malapit sa kanya kaya no choice ang beauty ko. Nagitla ako nang magring ang aking phone kaya kinuha ko ito saka sinagot ang tawag.

“Hmm?” bungad ko. “Malapit na ko, saan ka na Niah?” tanong nito.

“Malapit lapit na rin ako medyo traffic lang dito sa may Lacson.” Pagsisinungaling ko kaya mabilisang iniligpit ko ang iba pang damit saka tumayo na para makapagbihis. 

Hindi na ako naligo pa malapit lang naman isang sakay lang ng jeep nagpalit lang ako ng t-shirt saka nag-pajama nalang ako wala namang masamang mag-pajama sa mall diba? Wala namang bawal bawal or dress code na kailangang isuot kapag nasa mall.

“Saan ka na? Nandito na ko sa may starbucks.” Sabi nito akala ko wala na siya sa kabilang linya nakalimutan ko pa man din na i-end call. 

“Order ka muna couz ng maiinom natin.” Sabi ko kay Maxy saka agad na pumara ng jeep. 

“Mamaya nalang tayo mag-usap Maxy baka ma-snatch itong phone ko. Bye!” pamamaalam ko saka itinago ang cellphone sa bag.

After 15 minutes ay nakarating na rin ako, agad kong pinuntahan si Maxy  sa may labas palang ng starbucks ay nakita ko na siyang nangiti saka kumaway kaway pa. Agad ko siyang niyakap ng mahigpit nang makalapit ako sa kanya.

“Kumusta naman ang runaway bride?” bungad nito.

“Che! Runaway bride ka dyan?” tatawa-tawang sabi ko.

“Kumusta si lolo?” pag-aalalang tanong ko sa kanya.

“Ayon medyo okay naman na siya. Nag -aalala yung matanda sayo kailan ka uuwi niyan?” tanong nito.

“Iyon nga sana ang sasabihin ko, hindi muna ako uuwi sa mansyon at kailangan ko ng tulong mo.” Nakangiting sabi ko.

“Ay naku, Niah?! Yang mga ganyang tinginan alam na alam ko na yan!” sabi nito.

“Please couz! Kailangan ko ng bagong identity para maipagpatuloy ko iyong pag-aaral ko. Ayokong malaman ni lolo na nasa Figueroa ako napasok gusto kong maging tahimik ang buhay ko kapag nandoon ako.” Pagmamakaawa ko. Ilang beses ko pa siyang kinulit ng kinulit at sa bandang huli ay napapayag ko din naman siya. 

Nagpasama na rin akong mag-shopping at mag-grocery syempre pera niya sinulit ko na baka hindi na kami magkita next time mahirap ng makatunog si lolo at matunton ako. Buti na nga lang at hindi ako kinulit ng pinsan ko kung saan ako nakatira ngayon. Bumili kami ng kung ano ano, kulang nalang iuwi ko na pati buong mall. Binilhan ko na rin ng pasalubong iyong mga ka-roomate ko tig iisa kaming bathrobe ang pinili ko na magkakaibang kulay para hindi magkapalitan. 

Bago pa kami maghiwalay ni Maxyn ay binigyan niya pa ko ng extra money kahit alam naman niyang may pera ako iniabutan niya pa rin ako, napag-usapan na rin namin na siya nalang mag aasikaso ng papers ko sa school kaya wala na akong iisipin pa. Ang kailangan ko nalang mgayon ay ang pang disguised ko na gagamitin sa divisoria nalang siguro ako mamimili magpapasama nalang ako sa kanila next week.