Chapter lV: National Bookstore

Chapter 4 : National Bookstore

Kinabukasan ay late ng nagising nagkwentuhan lang magdamag. Madaling araw nang natapos sa pagkukulitan. Mas kinilala pa nila ako same goes with me masasabi kong mababait at pinagkatiwalaan nila agad ako dahil halos lahat na yata naikwento na nila sa akin pati mga ibang sikreto nila ay nalaman ko. Napagpasyahang magpadeliver nalang ng pagkain at nag-aaway pa nga iyong dalawa sina Isla at Twyla.

“Akin na kase yang ambag mo.” Twyla said.

“Magbayad ka muna!” sagot naman ni Isla kay Twyla.

“Mamaya na, ako naman ang kukuha ng delivery sa baba eh.” Balik na sagot nito.

Sa loob ng isang linggong kasama sila ay sina Twyla at Isla ang pinakamakulit laging nagbabangayan kahit napakaliit na bagay eh walang nagpapatalo ni isa sa kanila.

“Eto ambag ko.” Sabi ko sabay abot ng pera kay Twyla. Nag-abot na rin ng pera si Sadira kay Twyla at sabay na napatingin kay Isla.

“Bat ganyan kayo makatingin? Eto na, eto na!” nakanguso nitong sabi sabay kuha ng pera sa kanyang backpack. Tinawanan lang namin siya dahil sa itsura nito agad itong pumunta sa kanyang kama saka nagtalukbong ng kumot pagtapos niyang ibigay ang pera kay Twyla.

“Guys?!” gulat na sigaw ni Twyla. Kaya napatingin kami sa kanya.

“Anyare?” nagtatakang tanong ko.

“Hala! Hala!” tarantang tayo nito saka dali-daling nagsuot ng tsinelas.

“Problema mo?” tanong ni Sadira.

“Yong food panda rider nasa baba na! Kanina pa pala tumatawag, nakasilent phone ko. huhu” pag-iinarteng iyak nito saka patakbong lumabas ng pintuan.

Nagkatinginan nalang kami ni Sadira saka nakaisip kami ng kalokohan kay Isla habang wala pa si Twyla, kumuha kami ng kandila at sinindihan ito. Umupo kami sa tabi ng kanyang kama saka nagkunwaring nagdadasal.

“Ginagawa niyo?! Mga hayop?!” sigaw nito sa amin pagtapos nitong tanggalin ang pagkakatalukbong sa mukha kaya napatakbo kami ng wala sa oras ni Sadira palabas ng kwarto. Hinabol niya kami hanggang sa umabot sa labas ng dorm na ikinagulat naman ni Twyla at ng iba pang mga nakatira sa dorm dahil na rin siguro sa mga itsura naming tatlo. Ni hindi na nga kami nakaisip na magsuot ng tsinelas dahil sa takot na mahabol kami ni Isla. Si Sadira naman ay nagtago sa likod nong delivery man habang hawak hawak ang kandila saka posporo. Si Isla ayon dala dala pa ‘yong kumot niya at ako naman heto nakahawak sa aking dibdib dahil wala akong suot na panloob.

“Kuya sayo na remembrance mo sa pagdeliver dito sa amin.” Nakangiting abot ni Sadira ng kandila sa delivery man. Na ikinatawa nalang ng kuya kahit wala siyang kaalam alam sa mga nangyayare.

“Bat kayo naghahabulan? Anong nangyare sa inyo? Para kayong nakipaghabulan sa kabayo.” Tanong ni Twyla sa amin.

“Pfft. Kabayo pa nga?” nakatawang tanong ko sa kanya saka nilingon si Isla na umuusok na ang ilong sa inis.

“Gago. Kalokohan niyo ni Sadira!” sabi pa nito habang nanlilisik ang matang nakatingin sa akin at ibinato nito ang kanyang kumot. “Ayan gamitin mo! Tatakbo takbo ka wala kang bra.” Dagdag pa nito at agad ko naman itong ipinulupot sa katawan ko. Ooopps halata ba?

“Anyare ba?” tanong ulit ni Twyla sa amin.

“Dinasalan ba naman ako ng dalawang yan! May pakandila pa?! Ano ako patay?!” sabay hablot nito sa hawak hawak ni Twyla na pagkain saka nauna nang umakyat sa amin. Kami naman na naiwan ay nagtawanan nalang saka sumunod na rin kay Isla dahil nagugutom na talaga kami.

Habang kumakain kami ay nagpaalam ako sa kanila na pupunta akong National Bookstore sa may Recto sakto namang balak nilang bumili ng school supply nila kaya napagpasyahan naming sabay sabay nalang na pumunta mamaya kaya binilisan naming kumain. Si Sadira na nagligpit ng kinainan namin samantalang iyong dalawa naman ay naghahanap ng maisusuot, ako naman ay nagpe-prepare na para maliligo.

“Ano na? Sa may recto lang tayo pupunta hindi sa party ano?” sabi ni Twyla kay Isla na sinamaan lang ng tingin ni Isla. “Kung makapag ayos akala mo may party?” dagdag niya pa.

“Oh ayan piso, pambili mo ng kausap mo.” Inis na abot naman nito ng piso kay Twyla.

“Eto namang si Isla hindi mabiro. Piso pa nga? Kulang pamasahe ko eh.” Paghirit pa ni Twyla kaya naman sa sobrang inis ni Isla ay binatukan niya ito na kaagad namang binawian din ni Twyla at ayon nga naghahampasan na ng kani-kanilang mga sling bag.

“Para kayong mga bata!” nasabi ko nalang habang inaayos ang pagkakatali ng buhok ko.

“Sinong bata?!” sabay na tanong nila na napakasama pa ng tingin. Natigilan ito sa pag-aayos ng kanyang tali sa buhok.

“Ako yata?” sabi niya at saka naglakad na ng mabilis. Baka ako pa mapasama ako pa yata aawayin ng dalawang yon.

Nang makarating sa may sakayan ng jeep ay nakaisip na naman kalokohan si Twyla na sinegundahan naman ni Isla. Sa kalokohan lang yata nagkakaintindihan itong dalawa. Iiling- iling pinakinggan ang kalokohang iniisip nila. Napaismid nalang siya ng bigla siyang tanungin kung okay ba. Pumayag nalang rin siya dahil ayaw na niyang makipagtalo pa.

“Kapag may tatlong jeep ang nadaan at wala pang pa-quiapo na jeep ay ikaw Sadira mamamasahe sa lahat.” Sabi ni Twyla habang ako naman nakikinig lang. Pumayag nalang din si Sadira dahil alam niyang hindi rin siya titigilan nong dalawa. Nakisali na rin ako sa pag aabang at pagbibilang ng jeep na daraan dahil malilibre din naman ako ng pamasahe kapag nagkataon. At tuwang tuwa ang mga loka dahil nanalo sila sa bet kaya naman si Sadira ay walang nagawa kundi siya ang nagbayad sa aming pamasahe.

Nang makarating ng National Bookstore ay nagkanya kanya na kami ng kuha ng basket at naghiwalay para matapos kaagad sa pamimili medyo kaunti pa ang mga tao ngayon kaya hindi ako natatakot na umatake ang anxiety ko. Pumunta ako sa may hilera ng libro upang tumingin tingin ng libro na idadagdag ko sa collection ko. Nang makita ko ang librong matagal ko ng inaabangan sa mga Bookstore ay dali-dali kong pinuntahan at kukuhanin ko na sana ito ng may humawak din sa libro. Paglingon ko sa sa may-ari ng kamay ay nagulat pa ko dahil ito iyong lalaking gwapo na nakabanggaan ko nung araw na tumakas ako sa amin. Nginitian ko pa ito para bitawan sana ang libro nang nakipag agawan pa ito. Kaya hinigpitan ko pa lalo ang pagkakahawak ko rito at saka nakipag-agawan din.

“Look Miss, ako nauna rito kaya sana pakibitawan na lang?” Sabi nito habang hawak hawak pa rin nito ang libro.

Napabuntong hininga siya.

“Ako nauna rito, saka pili ka nalang ng iba dyan.” Sagot naman niya at nakikipag agawan pa din. Magpaka-gentleman nalang sana ito noh? Baka mas magkagusto pa ko lalo sa kanya kung ganon.

“Miss ibigay mo na sa akin ito ayaw ko ng gulo.” Sabi pa nito. Ano tingin nito sakin naghahanap ng gulo? Kapal ha? Minus ten ka sa akin este sa langit.

“Hoy! Hindi porke gwapo ka eh ibibigay ko na ito sayo? Magpaka-gentle man ka naman?!” inis na sabi ko na napalakas ko yata dahil iyong mga ibang namimili ay napapatingin na rin. Natigilan lang ito sandali mamaya maya pa ay inilapit nito ang kanyang mukha. Akala ko ano… akala ko….

“Babayaran nalang kita Miss, kung gusto mo doblehin ko pa kaya sana huwag ka ng mag eskandalo rito.” Bulong nito sa akin na nagpataas ng balahibo ko. Duh malakas kaya kiliti ko dyan!

“Hindi!” Pagmamatigas ko. Nagulat nalang kami ng may ibang kumuha ng librong pinag-aagawan namin.

“Ooops, akin nalang ito.” Sabi nung humablot kaya napalingon sila pareho rito nang makita kong nanlalaki ang mga mata ng babaeng nang-agaw ng libro. “Oh my gosh?! R-rio?!” gulat na gulat nitong sabi na nakakuha ng atensyon ng ibang namimili kaya halos lahat sila ay nagsilapitan papunta sa direksyon namin.

“Damn!” sabi naman ng lalaking katabi ko. Ako naman heto? Walang kaalam alam sa pangyayare sa paligid ko. Ang alam ko lang ay nagsisigawan at nagsitakbuhan sila papalapit sa amin. S-sandali?! Palapit sa amin?!

“Si Rio nga?!” tili naman nong isang hindi pa makapaniwala na nandito iyong tinutukoy nilang Rio daw. Mamaya maya pa ay kanya kanya silang naglabas ng phone at pilit na kinukuhanan ng picture itong katabi ko. Sino ba tong lalaking ito? Sikat ba to? Artista ba to? Malay ko.

Aalis na sana siya nang biglang hawakan ito sa braso ng binata saka sabay na hinila palabas. Nagpahila nalang din siya dahil ang higpit ng pagkakahawak nito sa kanya.

Ang lambot ng mga kamay naku naman Niahara nakuha mo pang lumandi sa mga oras na to. Hindi na niya namalayan na nasa loob na pala sila ng sasakyan kung hindi pa nagsalita ang nanghila sa kanya. Nagkatinginan lang sila saka sabay na tinawanan ang pangyayari.

“Ehem.” Pagkuha ng atensyon sa amin nong babaeng nasa tabi ng driver seat kaya napaayos ito ng pagkakaupo. Mukha kasi itong mataray. Nawala ang takot nito sa babae ng ngitian siya nito.

“What’s your name? By the way I’m Elin manager ni Rio.” Pagpapakilala nito sa kanya.

“Uhmm… Niahara po. Nice to meet you po” pagpapakilala naman niya rito. “Ano pong ibig niyong sabihin sa manager kayo ni?” tingin nito sa katabi na nagtatanong.

“Rio Figueroa.” Tipid na sagot ng binata saka tumingin na ito sa labas.

“So hindi kayo magkakilala?” Ms. Elin asked.

“Y-yeah?” utal niyang sagot.

“Eh bakit kayo magkasama?” she asked again.

“Bat andami mong tanong? Sagot naman ng katabi nito. Bat ba ang HB nito? Kaya humingi ng paumanhing tingin sa kanya si Ms. Elin nginitian niya nalang ito para sabihing naintindihan niya. Napakamaldito naman nito.

“Tabi nga! Lalabas ako.” Pagpapausod niya sa kanyang katabi nang bigla siyang hawakan sa braso.

“No, ihahatid ka na namin. Saan ba address niyo? inis na sabi nito.

“Huwag na, kaya ko namang umuwi saka may mga kasama ako baka hanapin nila ako.” Pagpupumilit niyang lumabas pero mas lalo lang hinigpitan ng binata ang pagkakahawak sa kangyang braso kaya wala siyang nagawa kundi ang manatili doon.

Napangiwi siya sa sakit. Problema ba ng ulupong na to?

“Itext mo nalang yong mga kasama mo na nauna ka ng umuwi” sabi nito sa kanya sabay tingin sa braso nito. Napahawak naman siya rito para hindi nito mahalatang namumula.

“May ointment ba tayo dyan Manager?” pagtatanong ni Rio kay Ms. Elin. Hindi na nagtanong pa kung para saan ang ointment iniabutan nalang niya ito.

Habang tinetext ang mga kaibigan ay nagitla siya sa ginawa ng binata. Aaminin niya ay kinilig siya ng kaunti pero kaunti lang sa ginawa ng binata saka soft kasi ng kamay niya basta parang kamay ng baby ganon?

“You okay?” he asked. Nagulat siya rito dahil sa pabigla bigla nitong pagtatanong sa kanya.

“H-ha?” I asked confusely.

“I said. You okay? Hindi ba masakit?” he asked again. “Namumula kase kaya baka masakit. Sorry.”dagdag pa nito.

“H-hindi.” Sagot niya naman. “Pakihinto nalang po dyan sa tabi manong.” Sabi nito sa driver saka isinabit ang kanyang sling bag. Inihinto naman agad ni manong ang sasakyan. Paglabas niya ng sasakyan ay nagpaalam at nagpasalamat siya sa driver saka sa manager daw ni Rio? Hindi na siya nagpaalam pa kay Rio daw, hindi na rin nilingon. Kahit kinilig siya kanina hindi pa rin maaalis ang inis nito sa binata. Una iyong libro pangalawa ay ang kanyang braso.

“Thank you?!” rinig nitong sigaw ng binata sa may bintana ng sasakyan na inikutan niya lang ng mata. Humarap sa rito.

“Welcome?!” Pang-aasar nitong sagot na ikinainis lang lalo ng binata.

Pinababa ng binata ang kanilang driver at nakipagpalit ng pwesto. Sa inis nito ay pinaharurot niya ang sasakyan may student license naman na siya kaya pwedeng pwede na magmaneho. Pagkarating sa kanilang bahay ay pinark lang nito ang sasakyan saka dire-diretsong nagpunta sa kanyang kwarto.

Sa kabilang banda naman ay halos lahat na yata ng pwedeng idasal ay idinasal na ng manager ni Rio at ng kanilang driver.

“Diyos ko po! Gusto ko lang naman pong maghanap buhay hindi ang mawalan ng buhay sa trabaho ko.” Pagdarasal ng matanda.

Samantalang si Elin naman ay halos hindi na kumurap dahil sa takot.

“Mommy?! Makikinig na po ko sa inyo. Opo maghahanap na ako ng mapapangasawa ko. Lord? Kung sakaling nandyan ka man na nakagabay sa akin, pwede po bang bago niyo ako kunin ay iparanas niyo muna po sa akin ang magka-asawa’t anak?” dasal nito ng paulit ulit. Halos hindi na namalayan ng dalawang nakasakay sa likod na nakarating na sila sa bahay kung hindi pa sila kinatok ng mommy ni Rio sa bintana ng sasakyan ay hindi pa sila mababalik sa realidad.

“Ano pang ginagawa niyo dyan? Anung nangyare kay Rio at di man lang ako binigyang pansin?” pagtatakang tanong ng mommy ni Rio.

“A-a e-excuse me po!” patakbong labas ni Elin sa sasakyan saka pumunta sa gilid para magsuka. Samantalang ang kanilang driver naman ay parang wala sa sariling lumabas ng sasakyan habang nagsasalita. “Buhay ako, buhay pa ko.”paulit ulit na sambit nito sa sarili. Na lalong ikinataka ng Ginang.

“Teka! Anu bang nangyayare sa inyo at bat ganyan ang mga itsura niyo?” pagtatanong nito ulit ngunit wala siyang natanggap ni isang salita.

“ Jenny baby?!” Pagtatawag ng Ginang sa kanilang kasambahay na agad naman itong lumapit.

“Po, madam?” tanong nito.

“Magdala ka ng maiinom sa sala saka pakitawag si Ali tulungan niya akong akayin tong dalawa.” Utos nito na kaagad namang sinunod ng dalaga.

Pagkaraan ng ilang minuto ay dumating si Ali ang asawa nito.

“Hon, pinapatawag mo raw ako? Oh anong nagyare sa kanila” tanong nito habang papalapit sa asawa. Nakita niya kasing nakaupo sa gilid ang anak nitong si Elin habang nakatingin sa kawalan.

“Tulungan mo kong akayin sila papasok.” Sabi ng Ginang sa asawa na magtatanong pa sana pero hindi na niya ito itinuloy. Nang mapaupo nila pareho ang dalawa ay binigyan nila ito ng maiinom ngunit hindi man lang nila ito ginalaw. Hindi na natiis ni Ali at nagtanong na sa dalawa.

“Mang Berto anong nangyare?” tanong nito pero iba ang isinagot ng matanda.

“B-buhay pa ko Sir?!” napatayo sa tuwa ang matandang driver nang mag sink-in na sa utak nito ang pangyayare na ikinatingin lang ng mag-asawa.

“Huh? Oo buhay ka pa naman manong.” Paninigurado ni Ali sa matanda.

“Sige po Sir tatawagan ko lang pamilya ko.” pagpapaalam ng matanda saka patakbong lumabas ng sala. Kaya ang naiwan sa sala ay sina Elin na nakatulala pa rin hanggang ngayon. Maya maya pa ay nagsalita na ito na ikinagulat ng mag-asawa.

“Dad? Tita? Pwede na ba akong mag-asawa?” wala sa sariling tanong nito sa kanila. Samantalang nagtuturuan ang dalawa kung sino ang sasagot sa tanong ng dalaga.

“S-sigurado ka na ba dyan Iha?” Lakas loob na tanong ng Ginang sa dalaga na nakatingin na naman sa kawalan.

“Hayss, kausapin mo ‘yang anak mo Ali at kakausapin ko si Rio.” Sabi ng ginang saka umalis at nagtungong kwarto ng anak.

Sa kabilang banda naman ay nakauwi na si Niahara sa kanilang dorm nasa labas palang ito ng pintuan ng palibutan na siya ng mga kaibigan.

“Explain.” Tipid na sabi ni Isla. Kahit naguguluhan ay nakuha niya pa ring magtanong kung anong explain ang pinagsasabi nito.

“Duh! Akala mo hindi namin nakita iyong kanina?” segunda naman ni Twyla.

“Kanina? Ang alin?” nagtatakang nito sa kanila.

“Papasukin niyo muna kaya si Niah bago niya siya pagtatanungin.” Suhetsyon naman ni Sadira kaya binuksan nila ang pinto saka isa isa silang pumasok sa loob.

“About sa pangyayare sa National kanina. Anong mayroon sa inyong dalawa ni Rio?” tanong ni Isla habang paupo ito kaharap niya.

“At bakit ka niya hinila? Saan kayo nagpunta? Kailan mo pa kami niloloko?” matalim na tingin nito sa kanya ni Twyla na binatukan lang ni Sadira. “Ang OA mo na sis!” sabi pa nito kay Twyla.

“Ah, wala naman kaming pinuntahan. Hinila na lang niya ako bigla saka hindi ko naman siya totally kilala. Nagka-agawan lang ng libro kanina kaya ganon.” Paliwanag nito sa kanila.

“Hindi mo siya kilala as in?!” gulat na tanong ni Isla sa kanya. Na tinanguan lang niya.

“Wow! Saang planeta ka ba galing sis? Sikat na sikat kaya si Rio?!” dagdag naman ni Twyla.

Natapos ang buong oras sa pagkukwento nila sa kanya tungkol kay Rio Figueroa. At doon niya nalaman na ang kanyang first crush ay artista pala.