Kabanata 918

Gayunpaman, may isang bagay na nakalimutan ang mga Turnbull—may hangganan ang pasensya ni Frank.

“Makinig ka.” Ngumiti siya, sabay umiling nang inalok ni Glen si Vicky bilang gantimpala. “Dahil siguradong-sigurado kayo ng pamilya mo na tinutulungan ko ang South Sea Crow, hindi ko na sana tinulungan ang kahit na sino sa inyo.”

Tinuro niya si Glen at malamig na nagsabi, “Pinapahirapan at kinukutya niyo kong lahat simula nang dumating ako rito, at sa totoo lang, pagod na ako. Pero, paulit-ulit ko tong tiniis para kay Vicky.”

Suminghal siya nang malamig at nagpatuloy, “Ito na ang huling beses. Hahanap ako ng ebidensya na nagpaplano ang mga Lionheart laban sa inyo. Pero kapalit nito, wala sa inyo ang pwedeng makipagnegosasyon—pakakawalan niyo si Vicky nang walang kondisyon, kundi ay kakalabanin ko kayo. At pwede niyo kong pagkatiwalaan kapag sinabi kong mas brutal ang pamamaraan ko kaysa sa South Sea Crow.”

Bumuntong-hininga nang mahaba si Glen sa nakakatakot na titig ni Frank, alam ni