Chapter 91

Patungo na sa bahay ng kanyang bagong misyon si Almira ng makita niya ang kanyang subject na lumabas ng bahay nito. May hawak itong bato at parang wala sa sariling naglalakad at patungo ito sa dalampasigan

Ang misyun niya ay bantayan ito at subaybayan pero wala sa misyun niya ang ito ay lapitan o kaya ay pakialaman. Ang utos sa kanya ng kanilang VIP client ay subaybayan lang ito at mag report sa kanya araw araw.

Luminga linga si Almira. At inalam kung may ibang tao.Nang mapagtantong sila lamang ang naroon ng sandaling iyon ay napanatag ang dalaga. Nakita ni Almira ang isang bangkang nakadaong kaya doon niya napiling umupo o kahit makasandal lamang. Sapat ang layo noon para mabantayan niya ang subject.

Mukha kasing naiisipan ng binabantayan niya ang maligo sa dagat.

Kung sabagay sa alinsangan ng maghapon kanina ay kahit naman siya ay maaakit magtampisaw Napakaganda ng dapit hapon, nakakaaliw nga namang lumangoy kapag ganito ang kapaligiran.Tahimik ang Baryo Bacawan. Sa madaling araw la