Chapter 16.

"SIGURADO ka ba sa ipapagawa mo kay Uno?" Usisa ni Mandy habang tinutulungan siya sa pag-aayos ng mga paninda. Kagabi pa niya naikwento rito ang plano niyang subukin so Erwann pero hanggang ngayon ay hindi pa rin ito maka-move on.

"Ilang beses ko bang sasabihin na sigurado ako. Doon ko lang malalaman kung talagang seryoso siya o hindi niya kaya ng wala ang pera niya," tugon niya.

"E, tingin mo darating pa ba 'yon? Tirik na ang araw, o?" Kahit nakatalikod ay alam niyang nakataas ang kilay ni Mandy.

"Hindi ba dapat ang tanong ay kung sasakay siya ng tricycle? Hindi na 'ko magtataka kung darating 'yon dito na naka-kot—"

"Alie!... Jusko, Alie tingnan mo!" Tili ni Mandy. Kulang na lang ay mabingi siya sa tinis ng boses nito.

"Ano ba 'yon?" Nakasimangot na tanong niya at hinarap ito. Pero agad ring nagbago ang reaksyon niya nang makita kung sino ang bumaba sa tricycle ni Emong. Parang slow motion ang pagbaba ni Erwann at ang paglalakad nito palapit sa kinaroroonan niya. Nakasuot ito ng puti