CHAPTER 89

CHAPTER 89

Nalito si Irish. Hindi niya maintindihan kung bakit ang simpleng kantahan ay nauwi sa iyakan? Mabilis rin siyang tumayo. Sinenyasan niya si Dick na ayusin ang bill. Sinundan niya si Christian na noon ay nagmamadaling tinungo ang dalampasigan. Lumapit siya sa nakayukong umiiyak na si Christian.

"May problema ba Christian? May pinagdadaanan ka?"

Hindi ito sumagot. Tumingin lang kay Irish saka inayos niya ang sarili. Kinagat niya ang labi niya ngunit sadyang marupok ang luha. Patuloy lang itong umagos sa kaniyang pisngi.

"Bakit hindi mo sabihin sa akin, baka matulungan kita."

"Wala.”

“Wala? Anong wala e nakikita ko yung sarili ko sa’yo ngayon.”

“Talaga? Nakikita mo na ako? Nararamdaman?”

“Bakit naman hindi?”

Huminga nang malalim si Christian. Tinignan niya si Irish. Ayaw niyang sumabay sa lahat ng problema ni Irish ngayon.

“Huwag mo na akong intindihin. May sarili ka pang problema na kailangang mong unahin." Bumunot ng malalim na hininga. Inilagay niya ang mga kamay sa magkab