Chapter 1

"Nasasaktan ako Harvy!" Sigaw ni Dahlia sa asawa.

"Talagang masasaktan ka! Anong karaparan mong sugurin at saktan si Audrey, ha?" Galit na sigaw ng lalaki kay Dahlia.

"Siya ang nauna, ininsulto niya ako!"

"Kahit na, sana lang pinalagpas mo na lang!"

"Ha.. ganyan ka magbulag bulagan Harvy? Okay fine, pinuputol ko na ang ugnayan natin kung gusto mo! Magsama kayo ng Audrey mo. Alam mo ha? Sinasayang ko lang ang pagmamahal ko sa katulad mong manhid! Pagod na akong unawain ka. Ang sakit mong mahalin!" Hindi nakapagsalita ang lalaki sa sinabi ni Dahlia "nagulat ka no? Oo, mahal kita, minahal kita. Pero hindi ko akalaing sasaktan mo ako ng ganito ng dahil lang sa babaeng yan. Na puro kaplastikan ang alam sa buhay. Ipinagtanggol ko ang sarili ko, lalo na si lolo, na binastos bastos niya. Alisin mo ang maskara ng babaeng yun para matauhan ka, na sa likod ng maamong mukha, nagtatago ang isang halimaw!" Saka nilayasan ni Dahlia ang asawa.

POV: Harvy

"No!!!" malakas niyang sabi sa lolo niya "you can't do this to me. Alam nyong may girlfriend na ako for two years. Kasal na lang ang kulang sa amin ni Audrey."

"Okay lang na tumanggi hijo, nasa sayo yan. Pero gusto ko munang basahin at pag aralan mo ang nakasulat sa testamentong ibibigay ko sayo. Baka magbago ang isip mo" sagot ng lolo niya habang nakahiga sa hospital bed.

"Ganoon ba kayo kagalit sa akin lolo?at gusto nyo akong parusahan?"

"Harvy, apo kita, dugo't laman, hindi kita pinaparusahan, gusto ko lang makilala mo ang tamang tao para sayo."

"Hindi si Dahlia yun lolo, hindi siya ang tipo ng babae na gusto ko."

"At sino ang tipo mo? Yung marami ng naging boyfriend? Kulang na lang lumuwa ang kaluluwa? Ni hindi ko nga nakitang magsuot ng mahabang damit ang babae mo eh! Laging kapirasong tela ang isinusuot niya. Sabi mo naman mayaman siya, wala ba siyang pambayad sa modesta para magpatahi ng mahaba habang baro at saya?"

"Style yun lolo. Sa panahin ngayon liberated na ang mga babae. Saka nagsusuot naman ng maiksi si Dahlia hindi ba?"

"Maiksing kagalang galang, hindi maiksing bastusin ang isinusuot niya. Ang dami mong sinasabi!" Waring naiirita na ang lolo niya.

"At kung hindi ako pumayag?" Tanong niya.

"Basahin mo ang kontrata para malaman mo. Saka lumayas ka na sa harapan ko, baka madali ang buhay ko sayo. Sa lahat ng apo ko, ikaw ang pinakapasaway!"

"Wala kayong ibang apo, ako lang."

"Kaya nga. Kaya ang gusto ko mapabuti ka at ang kumpanyang pinaghirapan ko ng mahabang panahon"

"Babasahin ko ito, hindi ko matitiyak kung anong sagot ko sa hiling niyo." Lalabas na sana siya ng tawagin siya ng matanda.

"Yan ba ang natututunan mo sa babae mo? Basta mo ako tatalikuran?"

Nakalimot siya. Ang gusto nga pala nito ay magmamano at hahalik sa pisngi bago magpaalam. Binalikan niya ito saka ginawa ang tradisyon ng pagpapaalam.

"Aalis na po ako lolo pogi.." sabi niya. Pakiramdam niya inuuto nya lang ito.

"Patnubayan ka nawa ng Panginoon" saka siya kinurusan ng matanda.

Ito ang ayaw niya sa matatandang gaya nito. Akala niya, sa mga kaibigan nya lang ito mangyayari, hindi niya akalaing pati siya ay ganito ang sasapitin.

Tinawagan na lang niya ang kaibigang si Dwayne. Aayain niya muna itong mag shots kahit konti.

--naku pre, may date kami ng asawa ko ngayon. Next time na lang.

Ito ang hindi niya kayang mangyari. Yung mga ganitong sagot kapag nag asawa na siya.

Lahat ng mga kaibigan niyang may mga asawa na, kapag hindi kadate ang asawa, may family bonding naman..

Wala pa kasi si Arvin sa Pilipinas, dalawa na lang silang single. Iniisip na niya ang plano niya hanggang mapadako siya sa folder, ang papel na naglalaman ng kanyang future. Ang papel na maghuhusga kung saan siya pupulutin.

Sa edad niyang trenta, marami na siyang napatunayan. Kakahawak niya lang sa kumpanya last year, dahil ang daddy niya ay gusto ng magpahinga kasama ang mommy niya. Pangarap ng mga itong magtravel around the world.

Pagpasok niya sa reception ng condo, agad bumati ang mga guard sa kanya.

"Magandang gabi po sir Harvy" bati ng mga ito.

"Good evening, wala ba akong package na dumating?" Tanong niya sa mga ito.

"Wala po sir. Pero si Miss Audrey po ilang beses ng tumawag kung nakauwi na daw po kayo." Sagot nito.

"May iba bang ibinilin?" Tanong niya.

"Yung cellphone nyo daw po, itapon nyo na kung hindi niyo kayang icharge" natatawang sabi ng guard.

"Galit ba?"

"Medyo sir. Nag aalala nga kami baka mag eskandalo pag punta dito."

"Nasa Paris naman yun. Nalobat kasi ang phone ko. Mag oorder ako sa grab, pakidala na lang sa unit ko" saka siya tumalikod.

Literal na kay Audrey na harsh magsalita, pero mabait ito. Sadya lang low temper. Nagmamadali siya sa bawat hakbang para makapag charge agad.

May mga nakasalubong siyang tenant din ng unit sa 10th floor. Ayaw niya sa oent house, masyading malaki ito para sa kanya. Ginawa nila itong event place. May isang nakalaang elevator na para lang sa penthouse. Nagdadaos doon ng mga meetings at marriage proposals, mga maliliit na gatherings like bachelor party and thanks giving. Kasya ang 50 katao doon.

"Good evening Harvy" bati ng mag asawang may hawak na aso.

"Good evening.. aso na lang ba ang laging dala? Wala pa ba tayong pabibinyagan dyan?" Biro niya.

"Actually, meron na.. seven months from now" sagot ng lalaki.

"Naku, congrats, tingnan mo nga naman. Siguradong magiging mabuting magulang kayo."

"Salamat.. paano, una na kami? May date kami eh, bye" paalam ng babae.

"Sige, ingat kayo, enjoy.." paalam niya. Tinanaw pa niya ang mga ito saka bumulong "sa halip na nagpaparty tong si Angelo, ididate ang asawa. Ngayon lalo ng hindi makakaalis yan kasi magkakaanak na sila. Tsk tsk.. kawawang Angelo " saka niya binuksan ang pinto ng unit niya.

Isasara na sana niya ito ng marinig niyang tinatawag siya ng gwardiya.

"Sir.. sir Harvy, ito na po yung order nyo.." iniabot sa kanya ang plastic.

"Maraming salamat kuya." Pagkaabot niya, isinara na niya ang pinto.

Nagready na siya para kumain. Naghanda ng lamesa, bago nagcharge. Sunod sunod ang tunog ng cellphone niya. Sigurado siya si Audrey ito at galit na galit na naman sa kanya. Hindi naman ito ganoon sa personal.

Pagcheck niya sa messages, mula sa tatay niya na nasa ospital, pinapabalik siya doon dahil sa lolo niya. Tinawagan muna niya ang ama.

"Ano pong nangyari?" Nag aalala ang kanyang boses.

"Ang lolo mo.. dali bumalik ka na muna dito."

Pinatay niya agad ang phone at nagmamadaling lumabas. Iniabot niya ang pagkain sa mga guard.

"Sa inyo na lang, may emergency lang."

"Naku sige po sir.. ingat po kayo"

Halos paliparin niya ang sasakyan. Baka mamaya kung ano na ang nangyari sa lolo niya.

Pagdating niya sa hospital, nagulat siya ng makita doon si Dahlia at ang tatay nito. Ang lolo niya ay halatang hirap na hirap sa paghinga.

"Apo.." itinaas nito ang kamay at tinatawag siya. Lumapit agad siya sa matanda, tinawag din ng lolo niya si Dahlia "alagaan niyo ang isa't isa. Nais ko kayong makitang naglalakad sa altar bago ako mawala."

"Lolo, wag kayong magsalita ng ganyan" umiiyak na pakiusap ni Dahlia.

"Lolo, kahit ano gagawin ko para sa inyo" naluluha niyang sabi.

Pinagsama nito ang mga kamay nila "Kayo ang pag asa ng pamilya natin. Magmahalan kayo."

Nag iyakan na silang lahat doon, waring sa sinasabi ng lolo niya, nagpapaalam na ito.

Doon na nabuo ang pasya niya. Susundin niya ang lolo niya, pero kailangan niya munang makausap ng sarilinan si Dahlia. Para mapag usapan ang mga gusto niyang mangyari. Kilala niya ang babae, madali itong kausap. Kaya ramdam niyang hindi siya mahihirapan makipagtransaction dito.