Chapter Seven

"ANGELO, SALAMAT HA. MALAKING BAGAY PARA SA AKIN ANG PAGMAMAGANDANG-LOOB MO NGAYON.." puno ng sinseridad na pasasalamat niya kay Angelo nang ihatid siya nito sa tinutuluyang niya. Nag-boluntaryo itong samahan siyang maipadala ang parcel niya't ganoon na rin ang paghatid nito sa kanila. Pero dahil hindi naman nakapasok ang sasakyan nito sa eskinita nila kaya hanggang sa kanto lang siya.

Kinakabahan pa nga siya dahil baka pag-trip-an ng mga tambay sa lugar nila si Angelo; mag-a-alas sais na rin kaya kunti na lang laganap na ang dilim.

"Anything for you, Lucy, alam mo naman na lodi kita eh."

Natawa sya sa mga sinabi nito sa kaniya; mukhang galing si Angelo sa isang mayamang pamilya at wala naman siyang interes alamin ang bagay na iyon sa binata. Gaya nga ng sabi niya kanina iyon ang una at huling hihingi siya ng tulong dito.

"So! Friends?"

Binaba niya ang tingin sa palad nitong nilahad sa harap niya; nasa loob pa rin sila ng kotse ng binata at prente siyang nakaupo sa unahan katabi nito.

'Dapat pa bang umabot sa friendship ang pabor na binigay nito sa kaniya?' tanong niya sa sarili niya. Umiwas siya nang tingin hindi alam kung ano ang itutugon dito; may malaking trust issue sa mga tao si Lucy kaya hindi siya sigurado kung sincere din ba ito sa pakikipag-kaibigan nito sa kaniya.

"Hey. Hindi pa rin ba tayo magkaibigan?" Muling untag ni Angelo sa kaniya.

"Pwedi bang pag-isipan ko muna? Hindi talaga kasi ako nakikipag-kaibigan eh.."

"Eh, 'di pakikipagka-ibigan na lang.."

Sumingkit ang mga mata nya nang tumingin siya rito.

"Angelo!!" May halong kunwang galit sa boses niya nang banggitin niya ang pangalan nito. Natawa na lang si Angelo sa reaksyon nya.

"Just kidding. Basta kapag kailangan mo ako, nandito lang ako for you. Anytime, Lucy..Okay?" Nakangiting saad sa kaniya ni Angelo. Mabilis ang ginawa niyang pag-iwas ng tingin mula rito. Hindi niya alam kung bakit may kung anong nagsasabi sa isip niyang kilalanin niya muna ito.

"Hindi nga ako interesado!" Malakas na pagkakasabi ni Lucy sa sarili niyang dapat sa kaniya lang.

"Nagsusungit ka na naman.." saad naman ni Angelo sa kaniya. Natawa si Lucy dahil napalakas pala ang pagkakasabi niya. Napakagat-labi siyang tumingin dito, hindi niya naman sinasadya ang tugon na iyon dapat secret lang nila ng sarili niya.

"Sorry! Napalakas pala.." aniyang nahihiya.

"Willing to wait, Lucy."

"Sige na. Pwedi ka na umuwi, mag-iingat ka. Salamat ulit, Angelo."

Binuksan niya ang pinto sa gawi niya, hindi niya na hinintay pang bumaba si Angelo para pagbuksan siya.

"See you tomorrow, Lucy. Bye. Ingat ka. Masaya ako ngayon at gusto kong malaman mo iyon."

Lihim siyang napalunok. Ano ba ang mga sinasabi nito? Napailing-iling na lang siya nang tuluyan siyang bumaba hindi na siya nag-atubiling sagutin ito- kumaway na lang siya dito para na rin umalis na ito at hindi na tuluyang gabihin pa.

Patay malisyang tumalikod si Lucy, hindi na muling lumingon pa kay Angelo nang marinig niyang umandar na ulit ang sasakyan nito.

'I'm not interested, Angelo. I'm sorry!'

Buo ang loob niyang sambit sa sarili para sa binatang nararamdaman niyang may ibang hangarin sa kaniya't hindi lang basta pakikipagka-ibigan gaya ng inaalok nito. Hindi siya manhid at sigurado siya d'on.

_______

KATATAPOS lang kumain ni Michael, hindi niya na nagawang hintayin ang kapatid niyang si Angelo- alas-otso na at hindi pa rin ito nakauwi sa bahay nila. Sanay naman siya at malaki ang tiwala sa bunso niyang kapatid na malapit sa kaniya, lalo na n'ong namatay ang lolo nilang nag-alaga at nagpalaki dito.

Napatingin siya sa cellphone niya nang biglang narinig niya ang caller tone. Si Cheska ang nasa kabilang linya, agad niya itong sinagot at tinungo ang library niya sa kaliwang bahagi ng dining area nila.

"Sweetie?" Bungad ni Michael sa kasintahan.

"Hi, Sweetie. How are you?" Masiglang bati naman sa kaniya ni Cheska. Agad siyang nakaramdam ng pangungulila nang marinig ang boses nito. Ilang linggo na rin silang hindi nakapag-usap dahil sa pagiging abala niya sa turn-over ng ownership sa university kasama ang ilang board members at ganoon din itong alam niyang abala sa trabaho nito bilang head nurse sa Amsterdam.

"I'm doing good here. Ikaw diyan? Wala kabang pasok ngayon?" balik tanong ko sa kaniya- tanghali pa lang sa bansa kong nasaan ito ngayon. Malamang nagpapahinga ito.

"I have a good news for you, Sweetie. Kaya ako napatawag."

"Good news? What is it?"

"Na-approve iyong bakasyon ko, kaya malapit na akong umuwi ng Pilipinas. Sounds good, right?"

Awtomatiko ang ngiting sumilay sa labi ni Archangel nang marinig ang magandang balita sa kaniya ng nobya niya.

"Of course. Oo naman. Kailan? Para naman mapaghandaan ko."

"I will tell you the details, Sweetie. That's all for now. Basta malapit na, magkikita na tayo ulit." Ramdam ni Michael ang saya sa boses ni Cheska, halos tatlong buwan na rin silang hindi nagkikita sa personal nito mula nang magpasya siyang umuwi sa lamay ng lolo niya.

"Be a good boy there ha. Just behave, Michael." Bilin pa nito sa kaniya nang magpaalam ito. May pasok na raw siya kaya kailangan nya nang patayin ang tawag nito dahil iyon lang naman ang sadya sa kaniya.

Napatingin si Michael sa wallpaper ng cellphone niya nang napaupo siya sa swivel chair niya. Picture ito ni Cheska, sa isang beach nang huling araw na magkasama silang dalawa. Maganda si Cheska at wala na siyang hahanapin pa rito- she's almost perfect, iyon ang madalas na sigaw ng isip niya. Ganoon din ang relasyon nilang dalawa ng nobya niya; selosa lang ito pero kahit minsan hindi niya binigyan ng pagkakataong magselos ito. Halos pitong taon na rin ang relasyon nilang dalawa, at umaasa na ang lahat na sa simbahan ang tuloy nang mayroon silang dalawa.

Muli niyang pinagmasdan ang nakangiting mukha ni Cheska sa screen ng cellphone niya; nang wala sa sariling napapikit siya't hindi malamang dahilan bigla na lamang rumehistro sa isipan niya ang galit at pikong mukha ng dalaga si Lucy Pearl.

Mabilis ang ginawang pagdilat ng mga mata ni Michael at ang masayang mukha ni Angelo ang nabungaran niya ng tingin.

"Kuya, you can't believe it.. but I'm with her today. I'm with my Lulu."

Masayang balita nito sa kaniya. Malakas ang kutob nyang tungkol ito sa babaeng binibida nito sa kaniya nakaraan.

_____