CHAPTER 5 - Marketing Department

Masayang inaasikaso ni Mr. Malibo ang termination letter ko. Mukhang tuwang-tuwa sila sa pagkakatanggal ko a.

"Kapapasok mo lang dito, tanggal ka na agad? Bakit kaya ano?" Sabi ni Ms. Vivian habang nakahawak pa sa babà niya na wari'y nag iisip.

Hindi ko pinapansin si Ms. Vivian na parang wala akong naririnig. Ngayong alam ko na ang gawain niya, dapat akong umiwas sa kanya habang nandito ako sa kumpanya.

Tumawa si Mr. Malibo. "Maybe she's no't really qualified para sa posisyon'g 'yon. Sabi ko naman sa 'yo 'di ba? You should apply for another position. Hindi dapat natin ipilit ang mga sarili natin sa posisyong hindi naman para sa 'tin. Right, Ms. Magbanua?"

"Hmm." Matipid kong sagot. Pagkatapos ay yumuko na lang ako para hindi mahagip ng paningin ko si Ms. Vivian na nakangisi sa 'kin.

Tumayo sa kanyang mesa si Mr. Malibo at umalis. Nang kami na lang ni Ms. Vivian ang natira: "Pagpasok mo ng Ceo office, anong nakita mo?"

Nag angat ako ng ulo at nakita ko na mukhang interesadong interesado si Ms. Vivian na malaman ang kaganapan sa loob ng office ni Mr. Atanante.

Hindi ako sumagot, bahala siya mag isip.

Nag snort si Ms. Vivian at dumaan sa gilid ko. "Is that you can do to retaliate againts me?" Dinig kong bulong niya sa 'kin. "Let me guess... hindi ka pinakinggan ni Mr. Atanante nu'ng isumbong mo 'ko no?"

Napalingon ako sa kanya. Mukhang alam na alam na ni Ms. Vivian ang ugali ni Mr. Atanante at iyon ang ginamit niya para matanggal ako sa posisyon ko... Kasalanan ko 'to. Ang tanga ko naman kasi para makinig at magtiwala kay Ms. Vivian, gayong alam ko na ngang gusto rin niyang maging executive secretary. Hindi ko naisip na ipapahamak niya ako.

Humahagikhik siyang nagpatuloy sa paglalakad habang umiindayog ang balakang niya palabas ng office.

Paglabas ng CHRO office ay minasdan ko ang papel na hawak ko na may naka sulat sa itaas na 'termination letter'. Kinuyom ko ang kamao ko kasama ng termination letter. Pangako, isang araw, papatunayan ko ang sarili ko at babalik ako sa posisyon ko bilang executive secretary.

*****

Kinabukasan ay bumalik ako ng C.A para mag submit muli ng application.

Pagpasok ng HR ay gulat na gulat si Ms. Vivian nang makita ako at dali dali itong lumapit sa 'kin. "Anong ginagawa mo dito? Tanggal ka na a?"

Dahil parte ng HR si Ms. Vivian, ay wala akong choice kundi kausapin ito at sabihin ang pakay ko. "Nandito ako para mag apply for internship."

Tumaas ang isang kilay ni Ms. Vivian pagkatapos ay ngumisi ito. "Tingnan mo nga naman ano, akala ko hindi na kita makikita dito sa kumpanya, hindi ko akalaing isisiksik mo pa rin ang sarili mo dito para maging intern naman."

"Ms. Vivian, nandito ako para magtrabaho at hindi para makipag kumpetens'ya o ano pa man. Isa pa, opportunity ko na 'to. Kung ikaw ang nasa kalagayan ko, hindi ba ganu'n din naman ang gagawin mo?"

Hindi sa gusto kong patulan itong si Ms. Vivian, kaya lang hindi ko mapigilang mairita sa sinabi niyang isinisiksik ko ang sarili ko dito sa C.A. Pareho lang naman kaming may pinu pursue, anong problema niya d'un?

"Hmp! Kung ako ang nasa kalagayan mo? Kung ako ang nasa kalagayan mo, hindi ako magiging tatanga tanga na agad maniniwala na ayos lang pumasok sa office ng boss mo na hindi man lang kumakatok." Wika niya habang nakangisi nang nakakaasar at naka cross arms pa.

Hindi ako makasagot. Oo na. Tanga na kung tanga. Kung maibabalik ko lang talaga ang mga oras na 'yon no. Pero sana huwag mo nang ulit ulitin pa.

"Marigold Magbanua? Mr. Villaflores had inform me about you already... This way please." Sabi ng nakangiting HR manager na kalalapit lang sa 'min.

Napanganga si Ms. Vivian sa sinabi ng manager at salit salitang tumingin sa 'min. Nang papunta na kami sa office ay bigla na lang hinatak ni Ms. Vivian ang braso ng manager na halos ikawala nito ng balanse. Bahagya akong nagulat sa ginawa ni Ms. Vivian. Close sila?

"M-Mrs. Guiller, sino'ng sinabi n'yo?" Agad na tanong ni Ms. Vivian na mukhang nagulat.

Sumimangot si Mrs. Guiller sa inasal ni Ms. Vivian, kanina lang ay kamuntikan na siyang mabuwal. Tiningnan niya ang bisig na hawak hawak pa rin nang mahigpit ni Ms. Vivian. "Ms. Sandoval! Mind your manners, will you?" Pagkatapos ay marahas niyang binawi ang kanyang braso.

Agad akong sumunod kay Mrs. Guiller habang naiwan namang tulala si Ms. Vivian.

Pagpasok ng office: "Ms. Magbanua, ang sabi ni Mr. Villaflores ay hindi ka na raw kailangan pang isalang sa evaluation, dahil qualified ka naman raw. So, which department you want to apply for internship?"

"P-pero... Hindi po kaya magiging unfair sa iba kung hindi n'yo 'ko ie-evaluate?"

"Yes, iyon din naman ang naisip ko. Kaya lang, this is Mr. Villaflores instructions and arrangement. Kaya pumili ka na ng department para ma process na application mo."

Napabuntong hininga na lang ako. Pakiramdam ko, kahit natanggal ako bilang executive secretary ay pinagpala naman ako sa ibang bagay. Katulad na lang pag alalay at pagtulong sa 'kin ni Jonas. Dahil dito ay lalo kong pagbubutihan ang trabaho para makita ni jonas na hindi nasayang ang pagtulong niya sa 'kin.

"Sa marketing po ako."

Nang maproseso na ang application ko ay agad akong nakapasok sa marketing department kinabukasan.

"Everyone! makinig muna!" Tawag pansin ng marketing manager na si Mrs. Valdez.

Tumigil sa kani-kaniyang ginagawa ang mga tao at tumingin sa 'min sa harapan. Nang makita ako ay biglang nagbulung-bulungan ang ilang babaeng naroon.

"This is Marigold Magbanua, our new colleague here to our department. I hope you can get along with her and be a good team."

"K-kamusta... Sana'y makasundo ko kayo." Matipid kong bati. Hindi talaga ako sana'y sa mga ganito. Hayyy.

Kahit may mga bakante pang puwesto sa bungad ay sa pinaka dulo ang puwestong pinili ko. Pakiramdam ko kasi ay makakapagtrabaho ako nang maayos dito. Nang makaupo na ay feeling satisfied ako.

"Siya ba 'yon?"

"Oo, Siya 'yon. Hindi ako puwedeng magkamali."

"E bakit siya nandito?"

Narinig ko ang ilang mahihinang bulungan ng mga babaeng malapit-lapit sa puwesto ko. Nakita ko rin na sumusulyap-sulyap sila nang pasimple sa 'kin.

Iniyuko ko na lang ang ulo ko at sinimulan nang basahin at reviewhin ang mga files na ibinigay sa 'kin ni Mrs. Valdez. Ayokong magpaliwanag sa kanila. Sila na ang bahalang tumuklas ng nangyari kung bakit ako napunta dito.

Nakaramdam ako ng ngalay sa batok at likod dahil sa tagal ng pagkakayuko ko, kaya itinuwid ko muna ang upo ko at inikot-ikot ang leeg ko sa kaliwa't kanan.

Nang magawi ang ulo ko sa kabilang dulo ay napansin ko ang pasimpleng tingin ng isang nakasalamin na babae sa 'kin. Nang makita niyang nakatingin ako sa kanya ay bigla niyang tinakpan ng folder ang mukha niya.

Natawa na lang ako sa kanya, ang cute niya kasing tingnan. Muli kong itinuloy ang ginagawa ko. Ang sabi sa 'kin ni Mrs. Valdez ay baka magkakaroon kami ng team building this coming week kaya gusto ko sanang matapos agad sa pagre review ng mga files para makahabol sa kanila.

Nang mag break ay nagulat ako nang biglang maglapitan ang ilang babae sa 'kin. "Hi marigold, can we chat?"

Napatango na lang sa kanila.

"Marigold, bakit ka nandito sa department namin, hindi ba executive secretary ka ni papa CEO?"

Hindi ko alam kung ano ang isasagot ko. Sasabihin ko bang sinesante ako ni Mr. Atanante dahil pumasok ako sa office niya nang walang paalam at nakita ko siyang may ka anuhan?

"K-kasi... Nasisante ako e." Sabi ko na lang. Sana lang ay makuntento na sila sa sagot ko at h'wag na kong kulitin pa.

"Ha? Nasisante ka? Bakit naman?"

Parang gustong sumakit ng ulo ko sa pag iisip sa idadahilan ko. Ano bang puwede kong sabihin sa mga ito?

"Kaya siya natanggal kasi... She is incompetent as a executive secretary. Means, hindi siya qualified at wala siyang kakayahan." Napalingon kaming lahat sa babaeng bigla na lang nagsalita-si Ms. Vivian.

Lumapit ang ilang babae kay Ms. Vivian na parang pamilyar na sila dito. "Ano'ng ibig mong sabihin vivian? E hindi ba ini evaluate naman nang mahigpit ang mag aaply for executive secretary? Saka sila Mr. Villaflores ang nag i-interview sa mga aplikante 'di ba?"

Tumingin sa 'kin nang may kahulugan si Ms. Vivian at ngumisi ito. "Iyon na nga e. Kaya siya na hire kasi, backer niya si Mr. Villaflores. Kaya h'wag na kayong magtaka kung paano siya na-hire bilang executive secretary."

Tumayo ako at agad nagpaliwanag nang makitang tila nag iba ang mga tingin sa 'kin ng mga babaeng kasama ko dito sa department. "Tinulungan nga ako ni Mr. Villaflores, pero sumalang pa rin naman ako sa evaluation at dumaan sa tamang proseso bago ako ma-"

"Talaga?" Biglang putol sa 'kin ni Ms. Vivian.

"E bakit iba ang nalaman ko sa HR kahapon?... Hindi ba, hindi ka na dumaan sa evaluation at diretso ka nang na hire dito sa marketing department, dahil sa abiso DAW ni Mr. Villaflores?"

Napasinghap ang mga babae at sabay sabay silang napatingin sa 'kin.

"Teka, unfair 'yun, 'di ba?"

"Oo nga! Nagt'yaga tayong pumila at dumaan din tayo sa tamang proseso, tapos dalawang linggo tayong naghintay, tapos siya..."

Hindi ako makapagsalita. Ano bang dapat kong sabihin? Ito na nga ba ang sinasabi ko... Huhuhu Jonas... Hindi ko alam kung nakatulong ka ba talaga sa 'kin.

N'ung araw na 'yon ay parang biglang ako naging masama sa mga kasama ko dito sa department at magbuhat n'on ay wala na ring lumapit at kumausap pa sa 'kin.

Lumipas pa ang mga araw at natuloy ang team building namin.

"Everyone, goodluck sa inyo... Pero bago kayo magsimula ay meron lang akong gustong i-announce sa inyo na magpapa motivate sa inyo lalo." Wika ni Mrs. Valdez.

Napukaw ang atensyon ng mga babaeng maiingay na nag grupo-grupo na.

"Ang sabi ni Mr. Villaflores, ay pumayag daw ang CEO na magkaroon ng company outing kapag naging successful ang project na 'to. Kaya... galingan n'yo!"

Tila nabuhayan ng loob ang mga kasama ko at masaya silang nag cheer.

Nang paupo na 'ko sa isang bakanteng upuan ay pinigilan ako ng isang babae. "May nakaupo d'yan." Pagkatapos ay inilagay niya ang handbag niya doon.

Nang papunta ako sa isa pang upuan ay muli na naman niya akong pinigilan. "May nakaupo din d'yan."

Napatingin ako sa mga naka upo na at nakita ko ang mga bag nilang nakapatong lang sa ilang bakanteng upuan. Nakita kong masaya silang nag uusap usap at mukhang wala silang balak na pagtapunan ako ng pansin. Mukhang ako na lang 'ata ang nakatayo't walang mapuwestuhan.

Maya maya ay nakaramdam ako ng mahinang kalabit. Paglingon ko ay nakita ko ang babaeng nakasalamin na nahuli kong nakatingin sa 'kin na nagtakip ng folder sa kanyang mukha. Mukhang nahihiya itong lumapit sa 'kin.

"Um... K-kung gusto mo, sa grupo ka na lang namin." Agad akong pumayag at sumama sa kaniya sa isang sulok.

"Hmp! Akala mo kung sino silang magagaling na ayaw tayong pasalihin sa kanila porke mga bago tayo. Patunayan nga natin na hindi natin sila kailangan!" Wika ng isang babae nang makaupo na kami.

Binati ko ang iba pang nasa mesa. Nalaman ko ng katulad ko ay mga bago lang din sila. Isa isa kaming nagpakilala sa isa't isa.

Tahimik kaming nagsimulang magplano ng mga gawain namin habang naririnig namin ang maiingay na pag uusap sa kabilang mesa na nagtatawanan pa.

"Ano ba 'yan ang ingay naman!" Malakas na reklamo ni carla. Tila ipinaririnig niya talaga 'yon.

Maya maya ay dumating si Mrs. Valdez na pumapalakpak para kunin ang atensyon namin. "Attention! Everyone... Look who's here na nagkusang bumisita dito sa department natin." Paglingon ko ay nakita kong kasunod ni Mrs. Valdez si jonas na nakangiti sa 'min.

Nagsitayo ang mga babae at agad na pumaligid kay jonas. Kinikilig ang mga ito.

"Hello~ actually I'm here for marigold for something... Can I borrow her for a while?" Wika ni Jonas sabay kindat sa 'kin.