CHAPTER 4 - Chance

Hindi ako nakakilos. Parang napako ang mga paa ko sa sahig. Nakatitig lang ako sa lalaking malamig namang nakatingin sa 'kin.

Habang tila nangangabayo ang babae ay iniangat niya ang mukha ng lalaki para halikan.

Bago pa man niya iyon magawa ay itinulak na siya ng lalaki. Nahulog ang babae mula sa kandungan ng lalaki at napasalampak sa sahig.

"Enough! Are you happy now?" Malamig na wika ng lalaki at agad niyang i zinipper ang pants niya.

Tumayo ang babae na parang nalilito at hindi alam kung ano ang naging kasalanan niya. Hinawakan ng lalaki ang mukha ng babae at ipinihit sa gawi ko.

Ganu'n na lang ang gulat ng babae nang makita ako sa pinto. Namula ang mukha nito.

"Now, leave! I don't want to see you!" Sigaw ng lalaki sa babae.

Mabilis na inayos ng babae ang suot na pulang dress at nagmamadali itong lumabas ng office. Muntik pa niyang mabangga si Mr. Javier na noo'y kararating lang sa pinto.

"Tell me what's goin' on here." Pagbaling ko sa guwapong lalaki ay nakaupo na ito at malamig na nakatingin sa 'min ni Mr. Javier.

Ngayon ko lang naisip, ang mala adonis na lalaking ito pala ay si Chardon Atanante, ang CEO at may ari ng C.A Incorporated. Hindi pala siya 'yung inaakala kong matandang napapanot na, na may malaking tiyan.

"Um, sir... This is Marigold Magbanua. Your newly hired executive secretary, sir."

Tumawa nang mahina si Mr. Atanante. Ang sexy pala ng boses niya at masarap pakinggan. Parang kinikilig tuloy ako. Ngunit nasira ang pagpa pantasya ko nang marinig ang sinabi niya.

"My new secretary? You hired me a secretary who doesn't even know basic etiquette, that suddenly barges into someone's office without a permission? I overstimated your knowledge to hire."

Napayuko ako sa hiya. Kailangan kong magpaliwanag, kung hindi ay baka isipin niyang wala akong pinag aralan. "I'm sorry sir! Hindi ko po talagang gustong pumasok nang walang pahintulot. Kaya lang, sabi po–"

"Enough! You only making up excuses."

Natahimik ako't napayuko nang suminghal siya. Napatingin ako kay Mr. Javier. Sana lang ay magsalita siya para sa 'kin. Kaya lang kahit s'ya ay nakayuko rin.

Hinaguran ako ng tingin ni Mr. Atanante. Pero, sa suot ko talaga siya nakatingin. "You even called it a executive secretary? I don't even know how you passed the evaluation..." Sabi niya habang nakangalong babà.

"Jonathan, give her her salary for the days she worked, then fire her."

Nawindang ako nang marinig iyon. Parang alingawngaw ang boses niya sa pandinig ko. Ano raw sabi niya? F-fire? tinatanggal niya ako sa trabaho?

Nanatili akong nakatayo at tulala habang nakatingin kay Mr. Atanante na patungo sa banyo ng kanyang office.

Naramdaman ko na lang na may humawak sa braso ko't hinihila ako. Pag lingon ko ay umiiling si Mr. Javier sa 'kin.

Sinulyapan ko pa ng isang beses si Mr. Atanante habang papalabas. Umaasa na sana biglang magbago ang isip niya at bigyan pa 'ko ng pagkakataon.

Hanggang sa makalabas na ay parang hindi pa rin ako makapaniwalang natanggal ako sa trabaho.

"Marigold... I'm sorry. "

Napatingin ako kay Mr. Javier. Pero nararamdaman ko ang unti unting pag init ng mga mata ko at ang unti unting pag balong ng mga luha ko.

Tinigasan ko ang loob ko't pinigil ang mga luhang 'yon at bahagyang ngumiti kay Mr. Javier. "Ayos lang Mr. Javier. Pasensiya na, pati kayo napagalitan dahil sa 'kin... Sige po, kukunin ko lang po ang mga gamit ko." At mabilis akong umalis sa harapan niya.

Pagdating sa office ko ay hindi ko na napigilang mapahagulgol. Sa isang iglap at sa isang pagkakamali lang ay nawalan ako ng trabaho. Pakiramdam ko ay gumuho ang mga pangarap ko. Paano ko 'to sasabihin kay mama?

Habang umiiyak ay biglang nag ring ang telepono sa mesa kaya pilit kong kinalma ang sarili ko. Siguradong related sa trabaho ang tawag na ito kaya dapat ay professional ako. Pero teka... Tanggal na nga pala ako.

Muli na naman akong naiyak nang maalala 'yon... Wala na 'kong pakialam, tutal huling araw ko na 'to. Sinagot ko ang tawag kahit tunog ngongo ako at humihikbi hikbi pa. "He...(hik) hello?"

"Marigold? Marigold are you okay?" Nasorpresa ako nang si Jonas pala ang tumawag.

"Marigold, please stay there... Don't do anything. Hintayin mo 'ko, okay?"

Habang nakikipag usap kay jonas ay naramdaman ko na meron akong kakampi kaya hindi ko na napigilan pang ibuhos sa kanya ang sama ng loob at pagkabigo na nararamdaman ko.

Nasa meeting ngayon si Jonas at mga katanghalian raw ang balik niya sa kumpanya. Doon sana siya magla lunch kaya lang dahil sa nangyari sa 'kin ay babalik siya agad pagtapos ng meeting.

Hindi na 'ko magtataka kung paano niya nalaman, malamang tinawagan siya ni Mr. Javier.

Tulad ng sinabi ni jonas, hindi ko muna niligpit ang mga gamit ko, hihintayin ko siya hanggang tanghali tulad ng sinabi niya. Pero wala pa rin akong tigil sa pag iyak. Kakapasok ko lang kasi, tanggal agad ako. Pakiramdam ko tuloy pinaglaruan lang ako.

Maya maya ay naramdaman kong may tumatapik sa balikat ko. Nang lumingon ako ay isang baso ng tubig ang bumungad sa 'kin. Nang tingnan ko kung sino ang may hawak nu'n ay nakita kong si Mr. Javier pala.

"Pasensiya na, hindi kita na inform na ganu'n talaga si Mr. Atanante. Hindi siya tumatanggap ng kat'wiran kapag nakagawa ka ng mali... Marigold, marami pa namang kumpanya d'yan. Siguradong may makikita ka na makaka appreciate ng talent mo. I believe in you."

Na touch ako at parang lumakas lakas ang loob ko sa sinabi ni Mr. Javier. Oo nga naman. Hindi pa dito nagtatapos ang mga pangarap ko. Magpapakatatag ako't maghahanap uli ng trabaho.

Umalis na rin agad si Mr. Javier at naiwan akong mag-isa't nakatunganga. Kinuha ko ang cellphone ko at nakita ko ang ilang miss call ni Jonas doon. Naglaro muna ako habang naghihintay sa kanya hanggang sa magtanghali na.

Dumating si jonas na humahangos. "Sorry kung ngayon lang ako... Anong nangyari? Bakit ka niya sinesante?"

Nahihiya akong sabihin kay Jonas ang eksenang nasaksihan ko kanina pagbukas ng CEO office, kaya pinasimple ko na lang. "Ano kasi e... Basta na lang ako pumasok ng office n'ya nang hindi kumakatok."

"And then?"

Napipi na 'ko't hindi na nakasagot pa.

"I knew it!! Ha ha ha!"

Nagitla ako sa biglang pagtawa ni Jonas.

"Ha ha ha ha! That bull!"

Bull? hindi naman si Mr. Atanante yu'ng umaano e. Paano siya naging bull?

"Sorry..." Napatikhim si Jonas at bahagyang namula ang mukha nito matapos tumawa. "Don't worry, I will talk to him. Come with me."

Bigla akong hinila ni Jonas palabas ng office. Nang makita kong papunta kami sa CEO office ay kumalas ako sa pagkakahawak niya.

"Bakit? Natatakot ka ba? With me here, you don't have to worry, let's go." Muli na naman niya akong hinila.

Sa totoo lang ay medyo nakakatakot nga si Mr. Atanante lalo na kapag sumisinghal siya. Ang guwapo guwapo nga niya, para naman siyang dragon.

"T-teka, kumatok ka muna!" Agad 'kong pinigilan si Jonas nang akmang pipihitin nito ang doorknob. Mukhang ugali rin ng lalaking ito ang bigla bigla na lang papasok nang hindi kumakatok.

"He he he, no need to worry."

"Hi Mr. CEO! Welcome back! Pasalubong ko?" Bati ni Jonas sa guwapong lalaking gumagawa sa mesa.

Kinalas ko ang kamay ni Jonas na nakahawak sa 'kin para dumistansya nang konti. Parang ang intimate kasi namin tingnan.

"It's in the car, ask Jonathan to take it."

"Yes!! Thank you Mr. CEO, your the best!"

Napansin ko ang interaksyon ni jonas at Mr. Atanante. Mukhang malapít sila sa isa't isa.

"By the way, have you met your new secretary, marigold?"

Napayuko ako bigla, sa takot na tumingin siya sa 'kin at magtama ang mga paningin namin.

"Yeah, why did you hire her though she isn't qualified enough? Afraid to loose?"

"Hindi no! but... What about, giving her another chance? 'for sure, misunderstandings lang 'yung nangyari kanina."

"Misunderstandings?" Patuloy lang sa gingawa si Mr. Atanante, hindi ito nag aangat ng ulo sa 'min.

"Yeah, misunderstandings! Sino ba naman ang makakaisip na nakikipaglaro ka pala dito sa loob ng office mo ng ganu'n kaaga? Saka, akala ko ba hindi dapat dinadala ang laro sa trabaho?... But remember our deal, I found you a new secretary. I did it man, you lose!"

"Hmm... Fine, I lose. Pero 'yung nangyari kanina was sheree's fault. Hindi ko naman akalain na she will get hot after a few teasing and suddenly demanded more from me. Women are really..." Pinutol niya ang sasabihin at tumingin sa 'kin.

Biglang bumilis ang tibok ng puso ko sa mga malalalim niyang tingin. Pakiramdam ko ay kayang kaya niya akong lunukin nang buo. Ngayon lang ako nakaramdam nang ganito na hindi ko maintindihan ang emosyon 'ko kung natatakot ba ako o kinikilig kay Mr. Atanante.

"I'm not going to hire what I already dismissed. That's the end of it." At nagpatuloy na siya sa kanyang ginagawa.

Napabuntong hininga na lang ako, mukhang wala na nga akong pag asa dito.

"Can't you just give her another chance? Marigold is sensible and hardworking. Nakakapanghinayang naman kung mapupunta lang siya sa ibang kumpanya... Please kuya chard, please~"

Biglang natigilan si Mr. Atanante sa ginagawa at... Namamalikmata ba 'ko? Bakit parang biglang lumambot ang malalamig na mga mata niya?

Binitiwan ni Mr. Atanante ang hawak niyang ballpen. Sumandal siya sa swivel chair at nakangalong babang tumingin sa 'min.

"Maybe, I can consider. What do you call me again?"

Napatingin ako sa naninigas na si jonas at kay Mr. Atanante. Anong nangyayari sa kanilang dalawa?

Tumikhim muna si Jonas. "I said, can you give marigold another chance? Please kuya Chard~" halos matawa ako nang lambutan ni Jonas ang dulo.

Tumawa nang mahina si Mr. Atanante. "Okay. Since you looks sincere, I'll employ her again."

"Yes!! The best ka talaga kuya Chard!"

Hinawakan ako ni jonas sa magkabilang braso at inalog alog ako. "See! I told you!" kahit hindi ako maka react at kahit hindi ko maipakita ay masayang masaya ako. Pero parang mas masaya pa yata sa 'kin si jonas.

"But–" Natigilan kami ni Jonas at sabay na napalingon kay Mr. Atanante.

"She will work as an intern."

"W-what? But-" hinila ko ang damit ni jonas kaya napalingon siya sa 'kin, umiling ako sa kanya. Pareho lang naman kami ng reaksyon ni Jonas, pero mas mainam na ito kaysa sa walang trabaho. Malapit na rin kasi maubos ang perang dala ko.

"Maraming salamat po Mr. Atanante sa muling pagtanggap sa 'kin dito. Pagbubutihan ko po ang trabaho."

Matapos magpa salamat ay lumabas na kami ni Jonas ng office. Pakiramdam ko ay nakahinga rin ako nang maluwag.

Bumuntong hininga si jonas. "Akala ko pa naman ibabalik ka niya sa dating position mo kapalit ng pride ko, na scam niya 'ko 'dun a."

"Ayos lang Jonas. Ang importante ay may trabaho ako at hindi napaalis dito. Salamat nga pala sa pagtulong mo sa 'kin ha."

"Wala 'yun. Ilibre mo na lang ako ng lunch kapag nakuha mo na ang unang payroll mo."

"Sige ba!"

Nang araw na 'yon ay kinailangan kong mag report sa CHRO office para kumpletuhin ang proseso ng termination ko. Nang papasok na ako sa CHRO office ay narinig kong may tumatawang babae sa loob. Hindi ko pinansin y'un, pumasok na 'ko sa pahintulot na rin ng CHRO.

Pag pasok ko ay nakita ko si Ms. Vivian sa gilid ng mesa. Naka cross arm ito habang nakangisi sa 'kin. Bigla kong naalala na dahil sa kanya kaya ako natanggal sa posisyon ko.

Huminga ako nang malalim para pigilan ang unti unting pagbugso ng aking damdamin na alam kong hindi makakabuti at makakatulong sa 'kin sa pananatili ko dito sa C.A.

Hindi ko siya pinansin na parang wala siya sa loob ng office. Nagdiretso ako kay Mr. Malibo. "Mr. Malibo, I'm here to report–"

"Termination? I already know." Tila nasa mood si Mr. Malibo at naka ngiti pa ito sa 'kin.

Napa buntong hininga ako. Resignation sana ang sasabihin ko para man lang sana sa kaunting pride ko.