CHAPTER 111 - Threat

Sa isang sulok ng maingay na bar ay mag-isang umiinom ang isang lalaki. Hindi nito alintana ang maingay na tugtugan at ang paglapit ng ilang babae para magpakilala dito. Tila may sarili itong mundo.

Nakayuko ito, tanda na may tamà na ito ng alak. Maya-maya ay nag-angat ito ng ulo. Dinampot nito ang isang bote at tutungga sana, nang malaman'g wala na palang laman iyon.

Tinawag nito ang papadaang waiter at umorder ng beer.

Napakamot sa ulo ang waiter pagbalik dahil natu-tulog na ang lalaki. Kinalabit pa niya ito at ginising.

Nang magising ay muli na naman itong uminom. Dinampot nito ang isang bote at itinaas iyon. "Con... Congratulations....sa (hik) inyong dalawa..... K-kuya Chard at.....(hik) Marigold....." At tinungga nito ang bote.

Pinahid nito ang alak sa gilid ng kanyang labi at sumandal. Maya-maya ay tumayo na ito para umuwi na.

Nang papa-alis na ay hinabol ito ng isang waiter at ibinigay ang bills nito. Hindi inalam ng lalaki ang bayarin niya. Dumukot lang ito sa bulsa p