Kabanata 51

“Sweetie, be careful.” Paalala ko sa aking anak. Araw ng sabado ngayon at naisip ko na magstay na lang muna kami dito sa Mansion. Ewan ko ba kung bakit tila tamad na tamad akong maglakad.

Pakiramdam ko ay hindi ko pa man naihahakbang ang aking mga paa ay napapagod na kaagad ito.

Mula sa aking anak ay nalipat ang tingin ko sa singsing na nakasuot hinlalaki ko. Kung tutuusin ay nangangati na ang mga kamay ko na itapon ito pero hindi ko ginawa. Dahil siguradong magagalit sa akin si Quiller.

Honestly, hindi ako interesado sa singsing na ito at pakiramdam ko ay may dala itong sumpa. Kasi naman, ang singsing na ito ay tila isang lason na unti-unting kumakalat sa puso ko.

Sa tuwing pumapasok sa isip ko na ikakasal si Ursula at Quiller ay parang nahihirapan na akong huminga. ‘Yun bang tila katapusan na ng mundo?

Nagising ako mula sa malalim na pag-iisip ng padabog na umupo si Ursulla, I mean si Stella, mula sa bakanteng sofa. Ni hindi ko man lang namalayan ang pagdating ng babaeng ito.