Chapter 60

INALALAYAN ni Sebastian si Celine na makapunta sa sofa upang doon sila mag-usap. Hindi pa ‘rin humihinto ang anak kakaiyak kung kaya pinainom niya muna ito ng tubig upang kumalma.

“Calm down my daughter. Wala ng makakapaghiwalay pa satin ngayon,” nakangiting sabi ni Sebastian at sa pangalawang pagkakataon ay nakita ni Rocky na ngumiti ito.

Nagkatinginan silang dalawa ni Riri na pareho ang nasa isip ng isa’t-isa.

Hindi mapunan ang sayang naramdaman ng puso ni Celine ng marinig niya ang salitang ‘my daughter’ mula sa kaniyang ama. Hindi nalang ang ina niya ang tumatawag sa kaniya ng ganon kundi pati na ‘rin ang daddy niya.

“A-akala po namin ni mommy hindi mo ako tatanggapin kaya itinago namin ang totoo sa’yo. Okay na po saakin ang makita ka at nakakausap kung kaya hindi ko sinasabi sa inyo ang totoo.”

Nakayukong sabi ni Celine na tila mayroon itong malaking kasalanan. Si Sebastian naman ay napabuntong hininga dahil doon at inaangat ang muka ng anak upang magtagpo ang mata nilang dalawa.