Chapter 62

NAGISING si Luna sa hindi familiar na kwarto sa kaniya. Ang unang pumasok agad sa isip niya ay si Sebastian, ito lang naman ang huling kasama niya ng siya ay gising pa kaya dali-dali siyang napabangon mula sa kaniyang pagkakahiga.

Gulat na napahawak siya sa kumot na nakapalibot sa kaniya at tinignan mula sa ilalim niyon kung mayroon pa siyang suot na damit. Tila nakahinga siya ng maluwag ng makitang mayroon pa siyang suot na damit.

Doon niya nasimulang maamoy ang natural na amoy ni Sebastian na lagi niyang na-aamoy sa lalaki. Hindi niya mapigilan kundi aminin na mabango ito. Napangiti siya ng bahagya dahil doon at ipinalibot ang kaniyang mata sa paligid.

Black and white ang theme ng silid at maayos na naka-ayos ang mga gamit nito. Mayroong mini sala sa may gilid at mayroon ‘ding maliit na lames anito kung saan nasa ibabaw ang ilang magazine. Kita niya ‘rin ang isang bookshelf na punong-puno ng libro at sa gilid nito ang isang malaking table na tingin niya ay mayroong nagbasa doon da