Chapter 218

TAHIMIK lang sina Kate at Kim habang nasa byahe sila papunta sa lugar na pagdadalhan sa kanila ng babaeng dumukot sa kanila. Marunong itong magtagalog kaya isa lang ang nasa isip nila, mga Filipino ito. Ngunit hindi naman mukang Filipino ang kasama ng babae kaya ang hula nila ay ang babae lamang.

Ang katanungan ay sino ang babaeng kumuha sa kanila at ano ang pakay nito sa kanila. Maraming rason ang maaaring dahilan kung bakit sila nito kinuha ngunit ang kauna-unahan doon ay ang pagiging myembro nila ng organization ng mga Moon.

Hindi iyon ang unang beses na nakarinig na sila ng encounter na maraming nagtatangkang dumukot sa mga tauhan ng Moon. Bakit? Sa kadahilanan na gusto nilang makuha ang impormasyon tungkol sa mga bagong gamit ng kanilang organization.

Kung iyon ‘man ang balak sa kanila ng mga dumukot sa kanila ngayon ay walang mapapala ang mga ito sa kanila.

“Get off!”

Napakunot ang noo ni Kim ng itulak siya ng isa sa mga lalaki doon pababa ng sasakyan. Kung hindi siya nakapagtim