Kabanata 32.2

Iniwan ko na muna ang mga bata sa mansion ni Samuel at umuwi na muna ako. Mabilis ko namang binuksan ang Ipad ko dahil dun sinend ng taong inuutusan ko sa pag-iimbestiga ang mahahalagang impormasyon.

“Hello?” sagot ko ng may tumawag sa cell phone ko.

[Confirm, ang kompanyang siyang pinapatakbo ng mga Santos ngayon ay hindi sa kanila kundi sa isang matalik nilang kaibigan na namayapa na maraming taon na ang nakakalipas.]

“Ang ibig mo bang sabihin ay ibinigay sa kanila ang kompanyang iyun?”

[Hindi, nagtataka lang ako sa mga nalaman ko at sigurado akong tama ang mga nakuha kong impormasyon. Mahirap lang ang mga Santos noon at kaibigan nila ang pamilyang Guerero na nagmamay-ari ng kompanya ng mga Santos ngayon. Namatay sa isang car accident ang mag-asawang Guerero pero noong inaalam nila kung anong naging sanhi ng aksidente ay walang sira yung sasakyan, ibig sabihin sinadya ang pagkamatay nila. May isang anak na babae ang mag-asawang yun p