Chapter 38

Pinagpapawisan ako pagkarating ko sa clinic ni Dra. Leona. Hindi ko maitago ang takot at kabang nararamdaman ko ngayon habang hinihintay si Dok. Sigurado na ako sa desisyon ko. Magiging sagabal ang batang 'to sa mga pangarap ko.

"Baby, I'm so sorry. Hindi kita kayang buhayin mag-isa. Hindi ako naging maingat sa mga desisyon ko kaya unexpected ang pagdating mo. Ayokong maranasan mo ang paghihirap na naranasan ko. Wala kang kasalanan..." bulong ko habang hinihimas ang tiyan ko.

Napabuga ako ng hangin nang nakita ko ng lumabas si Dra. Leona sa opisina niya kasama ang mag-asawa na umiiyak.

"Matagal na naming hinihiling na magkaroon ng anak ng asawa ko. Sampung taon kaming naghintay, pero agad rin binawi nang biniyayaan niya na kami..." sabi ng babae habang niyayakap ng asawa niya.

"Masilan po ang pagbubuntis. Kaya sana maging aral ito sa inyo na hindi lahat ng bagay ay nagagawa ng isang buntis. Hindi kayo pwedeng magpa-stress o magbuhat ng mabibigat na bagay," paalala ni Dra. Leona sa