Chapter 31

"Anong nangyari sa apo ko?" nag-aalalang tanong ni Chairman Marcelo pagkauwi namin sa villa. Tumingin siya kina Knight at Logan. "Hinayaan niyo na naman ba siyang uminom?"

Hindi makasagot ang mga kaibigan ni Raheel. Nakayuko lang silang dalawa at hindi rin makatingin kay Chairman Marcelo.

"Bakit ganiyan ang itsura mo, hija?" tanong ni Chairman sa akin nang lingonin niya ako.

"Napalaban lang po. Pagdating ko kasi sa bar naabotan ko si Raheel na pinapalibutan ng mga kababaihan. Lasing na lasing at parang wala na sa sarili. Ayaw nila akong padaanin para kunin si Raheel kaya -" Napatingin ako kina Logan at Knight nang bigla silang tumawa.

"Kung nakita niyo lang po kung paano siya makipaglaban kanina, Chairman," saad ni Logan at pilit na pinipigilan ang pagtawa niya.

"Para akong nahimasmasan sa alak na nainom ko nang nakita ko siyang nakikipag-away sa mga babaeng kasama ni Raheel sa bar. Ang galing-galing niyo rin mamili ng babaeng para sa apo niyo, Chairman. May asawa na si Raheel at