Chapter 36

Buong araw akong nagkulong sa kwarto ko. Hindi rin ako nakakain ng maayos sa kaiisip kung paano ko mairaraos ang pagbubuntis ko. Maghahanap pa ako ng trabaho, pero ngayong nalaman kong buntis ako, hindi ko na alam kung ano ang gagawin ko. Binabalak ko pa naman sanang bumalik sa pag-aaral kapag nakahanap na ako ng trabaho.

Nang nakaramdam ako ng gutom ay roon pa lang ako bumangon para magluto. Napabuga ako ng hangin nang nakitang mag-a-alas otso na pala ng gabi at hindi pa ako kumain ng hapunan.

Hinawakan ko ang tiyan ko. Hindi pa rin ako makapaniwala na may laman ang tiyan ko. Sana panaginip lang ang lahat. Hindi ko aakalain na mabubuntis ako sa ganitong edad. Walang trabaho at hindi nakapagtapos ng pag-aaral.

Naagaw uli ang atensiyon ko nang tumunog ang cellphone ko. Napabuga ako ng hangin nang nakita ko na naman ang pangalan ni Chairman Marcelo. Hinayaan ko lang siyang tumawag. Wala akong balak na sagotin ang tawag niya dahil natatakot ako. Kahit walang katotohanan ang mga bini