Chapter 34

Hindi ako makagalaw sa kinatatayoan ko pagkatapos akong iwan ni Raheel sa coffee shop kasama sina Lara at Tita Minerva. Parang nakabalik lang ako sa sarili ko nang hawakan ni Lara ang braso ko.

"Ate Ana," malungkot na sambit niya.

Napatitig ako ng ilang segundo kay Tita Minerva. Kumuha siya ng sigarilyo at sinindihan ito.

"Ikaw ba ang asawa niya, Ana?" nakangising tanong ni Tita Minerva at sumimsim ng sigarilyo. "Hindi mo naman sinabi sa akin na magkakilala pala kayo ng Kuya ni Lara."

"Mama!" saway ni Lara sa kaniyang ina.

"Bakit, Lara? May masama ba sa sinabi ko? Magkapatid naman talaga kayong dalawa," proud na saad ni Tita Minerva at sinimulang inomin ang kape niya. Tumingin siya sa akin. "Anabelle, total asawa mo naman pala si Raheel, baka pwede mo siyang kausapin tungkol kay Lara. May karapatan din naman ang anak ko dahil may dugo rin siyang Del Fuego. Lumalaki na rin kasi ang gastosin ni Lara sa pag-aaral niya. Hindi ko na kayang tustosan."

"Ma, gusto ko lang makilala ang p