Chapter 24

Tashi’s POV

“Go, Anak!” malakas kong sigaw nang maka-shoot si Sertio. Napatawa pa sa akin ni Spring nang mapatalon ako.

“Savellano for three! Aba’t napakagaling talaga ng batang ‘to. Mukhang MVP na naman katulad nang nakaraang taon.” Mukhang hangang-hanga kay Sertio ang announcer kaya hindi ko maiwasan ang matawa.

Intrams nina Sertio ngayon. Grade 1 na siya this year. Tuwang-tuwa ang ilang guro sa kaniya last year at ngayon din.

Nang matapos ang laro ay agad na nanakbo patungo sa gawi namin si Sertio. Agad niya akong niyakap kaya agad ko ring ginulo ang buhok niya.

“Napakagaling naman ng anak kong ‘yan!” ani ko na pinanggigilan pa ang kaniyang pisngi.

“You’re so unfair, Tashi. You don’t like to touch me when I’m sweaty,” ani Spring na napanguso pa. Hindi ko naman maiwasan ang natawa bago pinitik ang kaniyang noo. Napakaarte talaga ng isang ‘to.

“Let’s go home. I already miss you cooking us food,” ani Spring na malapad ang ngiti sa akin. Napatawa naman ako nang mahina roon. I jus