CHAPTER 151

“BAKIT hindi kita magawang kalimutan? God knows how much I tried pero. . .” Napabuntong hininga ng malalim si Timothy. Kitang-kita niya sa mga mata ang paghihirap ng kalooban nito. Ang laki rin ng ipinayat nito. Napansin rin niya ang gusot nitong tshirt at magulo nitong buhok. Malayong-malayo sa dating Timothy na kakilala niya. “Kung maibabalik ko lang ang lahat, hinding-hindi ako padadala sa tukso at di ko papayagang mawala ka sakin,” sabi nito sa mahinang tinig.

“Tim, kahit siguro hindi mo ako niloko, mangyayari at mangyayari pa ring iibig ako kay Matt,” matapat na sabi niya rito.

Napasuklay ang isang kamay nito sa buhok nito, saka ngumiti nang mapakla, “Mahirap kakompetensya ang isang gaya nya,” malungkot na sabi nito sa kanya, “Ni wala ako sa kalingkingan ng yaman nya.”

“At inaakala mong kayamanan lang nya ang nagustuhan ko sa kanya?”

Tiningnan siya nito ng matiim, “Hindi nga ba?”

Napailing siya, “Hindi mo nga ako lu